दहावी-बारावी परीक्षेआधी प्रशासन ॲक्शन मोडवर, ‘ती’ चूक महागात पडणार, थेट कारवाईचे आदेश

पुणे: महाराष्ट्र राज्य माध्यमिक व उच्च माध्यमिक शिक्षण मंडळामार्फत घेण्यात येणाऱ्या दहावी आणि बारावीच्या परीक्षा काही दिवसांवर येऊन ठेपल्या आहेत. बारावीच्या परीक्षा 10 फेब्रुवारी ते 11 मार्च, तर दहावीच्या परीक्षा 20 फेब्रुवारी ते 18 मार्च दरम्यान होणार आहेत. परीक्षांदरम्यान कोणताही गैरप्रकार होऊ नये, यासाठी पुणे ग्रामीण जिल्ह्यातील परीक्षा केंद्रांच्या परिसरात आणि त्यासभोवतालच्या 100 मीटर अंतरात अनधिकृत व्यक्तींना प्रवेशबंदी लागू करण्यात आली आहे. याबाबतचे आदेश जिल्हाधिकारी जितेंद्र डुडी यांनी जारी केले आहेत.