पुणे हादरलं! शेजाऱ्याच्या घरातून येत होते आवाज; खिडकीतून डोकवताच स्वतःच्याच 7 वर्षाच्या लेकीला त्या अवस्थेत पाहून आई सुन्न

आरोपीची मजल इतकी वाढली की, दुसऱ्याच दिवशी म्हणजेच ३ एप्रिल रोजी सकाळी त्याने पुन्हा एकदा पीडितेवर अत्याचार करण्याचा प्रयत्न केला. मात्र, त्याचवेळी पीडित मुलीच्या आईने आणि आत्याने खिडकीतून हा धक्कादायक प्रकार पाहिला. आपल्या पोटच्या गोळ्यासोबत घडणारा हा भयानक प्रकार पाहून त्यांनी आरडाओरडा केला आणि तात्काळ पोलीस ठाणे गाठले.

पीडितेच्या आईने दिलेल्या तक्रारीवरून एम.आय.डी.सी. भोसरी पोलिसांनी आरोपीविरुद्ध भारतीय न्याय संहिता (BNS) आणि पोक्सो (POCSO) कायद्यांतर्गत अत्यंत गंभीर कलमान्वये गुन्हा दाखल केला आहे. भोसरी पोलिसांनी आरोपी रामु निसाद याला तातडीने अटक केली आहे. त्याला कठोर शिक्षा करण्याची मागणी स्थानिक नागरिकांकडून होत आहे. या घटनेने लहान मुलांच्या सुरक्षेचा प्रश्न पुन्हा एकदा ऐरणीवर आला आहे.