Weather Update : राज्यावर पुन्हा अस्मानी संकट, 14 जिल्ह्यांना पावसाचा येलो अलर्ट, Video

रत्नागिरी, सिंधुदुर्ग, कोल्हापूर, सांगली, सोलापूर, लातूर, धाराशिव, भंडारा, चंद्रपूर, गडचिरोली, गोंदिया, नागपूर, वर्धा, यवतमाळ राज्यातील सर्व जिल्ह्यांना 4 एप्रिलसाठी हवामान विभागाकडून पावसाचा येलो अलर्ट जारी करण्यात आला आहे. याठिकाणी सोसाट्याच्या वाऱ्यासह आणि विजांच्या कडकडाटासह पावसाची शक्यता असल्याचे देखील हवामान विभागाने सांगितले आहे.

4 एप्रिल रोजी मुंबईत पावसाची शक्यता नाही. तेथील कमाल तापमान 35 अंश सेल्सिअस तर किमान तापमान 25 अंश सेल्सिअस इतके असण्याची शक्यता आहे. मुंबईत दुपार किंवा सायंकाळनंतर अंशतः ढगाळ वातावरण निर्माण होण्याची शक्यता आहे. त्याचबरोबर पुढील 24 तासांपासून तापमानात वाढ होण्यास सुरुवात होणार आहे.

पुण्यात 4 एप्रिलला मेघगर्जनेसह पाऊस पडण्याची शक्यता आहे. तेथील कमाल तापमान 36 अंश सेल्सिअस तर किमान तापमान 22 अंश सेल्सिअस इतके असण्याची शक्यता आहे. त्याचबरोबर पुढील 24 तासांत तापमानात वाढ होण्याची शक्यता आहे.

छत्रपती संभाजी नगरमधील कमाल तापमान 36 अंश सेल्सिअस तर किमान तापमान 22 अंश सेल्सिअस इतके असण्याची शक्यता आहे. 4 एप्रिलला त्याठिकाणी दुपार किंवा सायंकाळनंतर अंशतः ढगाळ वातावरण निर्माण होण्याची शक्यता आहे. त्याचबरोबर पुढील 2 दिवसांत तापमानात वाढ होणार असल्याची माहिती हवामान विभागाने दिली आहे.

नाशिकमध्ये 4 एप्रिलला अंशतः ढगाळ वातावरण असणार आहे. त्याचबरोबर तेथील कमाल तापमान 37 अंश सेल्सिअस तर किमान तापमान 23 अंश सेल्सिअस इतके असण्याची शक्यता आहे. पुढील 24 तासांत नाशिकमधील तापमानात ही वाढ होणार असल्याची माहिती हवामान विभागाने दिली आहे.

नागपूरमध्ये 4 एप्रिलला सोसाट्याच्या वाऱ्यासह आणि विजांच्या कडकडाटासह पावसाची शक्यता आहे. तेथील कमाल तापमान 31 अंश सेल्सिअस तर किमान तापमान 21 अंश सेल्सिअस इतके असण्याची शक्यता आहे. पुढील 24 तासांत नागपूरमधील तापमानात 4 ते 5 अंशांनी वाढ होणार असल्याची माहिती हवामान विभागाने दिली आहे.

राज्यातील एकंदरित तापमान आणि हवामानाची स्थिती बघता असे लक्षात येते की, पावसामुळे नागरिकांना उष्णतेपासून दिलासा मिळाला आहे. मात्र, पुढील 24 तासांत राज्यातील पावसाचे सावट गायब होऊन तापमानाचा पारा वाढण्याची शक्यता आहे. त्यामुळे सगळीकडे दमट वातावरण निर्माण होऊ शकते. अशात नागरिकांनी आरोग्याची काळजी घेणे आवश्यक आहे.