Pune Water Cut: पुणेकरांनो, पाणी भरून ठेवा; गुरूवारी शहरातील या महत्त्वाच्या भागांमध्ये पाणीपुरवठा पूर्णपणे बंद

पुणे: पुण्यातील नागरिकांसाठी महत्त्वाची बातमी आहे. वडगाव जलशुद्धीकरण केंद्राच्या टप्पा क्रमांक एकमध्ये देखभाल आणि दुरुस्तीचे अत्यंत तातडीचे काम हाती घेण्यात येणार आहे. यामुळे गुरुवारी (१२ फेब्रुवारी) संपूर्ण दक्षिण पुण्याचा पाणीपुरवठा बंद राहणार आहे. तसेच, दुसऱ्या दिवशी म्हणजे शुक्रवारी पाणी उशिराने आणि कमी दाबाने येण्याची शक्यता महापालिकेच्या पाणीपुरवठा विभागाने वर्तवली आहे.