Pune Crime : पुण्यातील देवीच्या मंदिरात केली चोरी; चोरट्याला 24 तासात मिळालं कर्माचं फळ, काय घडलं?

पुणे : मंदिरातील देवचोरीच्या घटनांनी भाविकांमध्ये संताप व्यक्त होत असतानाच, पुण्यात एका चोरट्याला देवीचा मुकुट चोरणे चांगलेच महागात पडले आहे. येरवडा परिसरातील यल्लम्मा देवीच्या मंदिरातून चांदीचा मुकुट लंपास करणाऱ्या आरोपीला पोलिसांनी अवघ्या २४ तासांत बेड्या ठोकल्या आहेत. चोरीला गेलेला मौल्यवान मुकुटही पोलिसांनी हस्तगत केला असून, शिवराम पापा काळे (वय ४७, रा. सुरक्षानगर, येरवडा) असे अटक करण्यात आलेल्या आरोपीचे नाव आहे.