'...नाहीतर तुझा जीव घेईन', पुण्यात कुख्यात गुंड टिपू पठाणवर गुन्हा दाखल

अभिजीत पोते, प्रतिनिधी पुणे: गेल्या काही दिवसांपासून पुण्यात संघटीत गुन्हेगारीच्या अनेक घटना घडत आहेत. गणेश विसर्जनाच्या पूर्वसंध्येला आंदेकर टोळीने आयुष कोमकरची हत्या केली होती. माजी नगरसेवक वनराज आंदेकरच्या हत्येचा बदला घेण्यासाठी ही हत्या केली होती. यानंतर निलेश घायवळ टोळीने देखील दहशत माजवण्यासाठी कोथरुड परिसरात एकावर गोळीबार केला. तर दुसऱ्यावर कोयत्याने वार केले. पोलीस सातत्याने गुन्हेगारी टोळ्यांचा बिमोड करण्यासाठी कार्यरत आहे. तरीही गुन्हेगारांना पोलिसांचा वचक राहिला नाही, अशी स्थिती आहे.