Akshaya Tritiya 2025: अक्षय तृतीयेला सोनं, घर खरेदीची शुभ वेळ कोणती? हा आहे खरा मुहूर्त

नाशिक: अक्षय तृतीया हा सण हिंदू पंचांगानुसार वैशाख महिन्याच्या शुक्ल पक्षातील तृतीया तिथीला साजरा केला जातो. हा दिवस साडेतीन मुहूर्तांपैकी एक मानला जातो. यंदा 30 एप्रिलला देशभरात अक्षय तृतीया साजरी केली जात आहे. या दिवशी आवर्जून शुभ कार्ये आणि खरेदी केली जाते. या दिवशी खरेदी केलेली संपत्ती, केलेलं दान हे ‘अक्षय’ मानलं जातं. याबाबत नाशिकमधील ज्योतिषी अमोघ पाडळीकर यांनी दिलीये.

अक्षय तृतीयेच्या दिवशी कोणतेही शुभ कार्य किंवा खरेदी कोणत्याही वेळी करता येते. विशेषतः सोने, चांदी, संपत्ती, वाहन किंवा नवीन व्यवसाय सुरू करण्यासाठी हा दिवस अत्यंत शुभ मानला जातो. या दिवशी सकाळी 5:30 वाजल्यापासून दुपारी 12:30 वाजेपर्यंत पूजा आणि खरेदीसाठी विशेष शुभ मुहूर्त आहे, असे पंचांगात नमूद आहे. या वेळेत माता लक्ष्मी आणि भगवान विष्णू यांची पूजा केल्यास घरात समृद्धी आणि सुखाची प्राप्ती होते, अशी श्रद्धा आहे.