घरातील देवघरात नेमके किती आणि कोणते देव असावेत? पाहा महत्त्वाची माहिती

घरातील देव हे एका पिढी कडून दुसऱ्या पिढीकडे पूर्वापार दिले जातात. काही नवीन देव आपण देवघरात ठेवण्यासाठी घेतो. काहींच्या देवघरात देवांची संख्या जास्त असते. पण, पुढच्या पिढीमध्ये नित्य देवपूजा होण्यासाठी आवश्यक तेवढ्या मूर्ती असणे गरजेचे आहॆ. मूर्तींची, देवांची संख्या ही मर्यादित असावी असे शास्त्र सांगते. हिंदू धर्म शास्त्राचा विचार जर केला तर देवघरामध्ये दोन शिवलिंग, दोन शंख, दोन शाळीग्राम, तीन देवी, तीन गणपती यांचे पूजन करू नये, अशी माहिती धर्मसिंधू या ग्रंथात दिल्याचं जोशी यांनी सांगितलं.

देवघरामध्ये ग्रामदैवत, श्रीदत्त, बालाजी, अशा प्रकारचे फोटो देवघरात ठेवावेत. आपल्या कार्या निमित्त किंवा इतर वेळेस आपल्याला भेट म्हणून मिळालेल्या मूर्ती, फोटो, देव घरात ठेवू नयेत. त्यामुळे देवघरात आवश्यकतेपेक्षा जास्त फोटोची संख्या वाढते, अशी माहिती जोशी यांनी दिली.