तुमच्यासोबतही घडतंय का असं? श्रीमंत होण्याची आहेत लक्षणं, 'या' इशाऱ्यांकडे करू नका दुर्लक्ष!

Published by:Manasee Dhamanskar

Last Updated:Feb 22, 2026 7:31 PM IST

अनेकदा आपल्या दैनंदिन जीवनात अशा काही घटना घडतात, ज्याकडे आपण निव्वळ योगायोग म्हणून दुर्लक्ष करतो. मात्र, शकुन शास्त्र आणि ज्योतिषशास्त्रानुसार, निसर्ग आपल्याला भविष्यात मिळणाऱ्या धनलाभाचे संकेत आधीच देत असतो.

Shubh Sanket : अनेकदा आपल्या दैनंदिन जीवनात अशा काही घटना घडतात, ज्याकडे आपण निव्वळ योगायोग म्हणून दुर्लक्ष करतो. मात्र, शकुन शास्त्र आणि ज्योतिषशास्त्रानुसार, निसर्ग आपल्याला भविष्यात मिळणाऱ्या धनलाभाचे संकेत आधीच देत असतो. जर तुमच्यासोबतही गेल्या काही दिवसांपासून खालील गोष्टी घडत असतील, तर समजावे की माता लक्ष्मीची कृपा तुमच्यावर होणार आहे आणि तुमचे नशीब पालटणार आहे.

घरात अचानक काळ्या मुंग्यांचे आगमन

वास्तू शास्त्रानुसार, घरात अचानक काळ्या मुंग्यांचा घोळका दिसणे हे अत्यंत शुभ मानले जाते. जर या मुंग्या काहीतरी खाताना किंवा तोंडात अंडी घेऊन फिरताना दिसल्या, तर ते ऐश्वर्य प्राप्तीचे लक्षण आहे. हे सूचित करते की तुमच्या घरातील आर्थिक चणचण संपणार असून उत्पन्नाचे नवीन मार्ग मोकळे होणार आहेत.

हाताच्या तळहातावर वारंवार खाज येणे

समुद्र शास्त्रानुसार, जर उजव्या हाताच्या तळहातावर वारंवार खाज सुटत असेल, तर त्याचा थेट संबंध पैशांशी असतो. उजव्या हातावर खाज येणे म्हणजे कुठूनतरी अनपेक्षित धनलाभ होणार आहे. मात्र, स्त्रियांच्या बाबतीत डाव्या हातावर खाज येणे शुभ मानले जाते.

अंगणात पक्ष्यांनी घरटे बनवणे

जर तुमच्या घराच्या बाल्कनीत किंवा अंगणात एखाद्या पक्ष्याने विशेषतः चिमणी किंवा कबुतराने घरटे बनवले असेल, तर ते भाग्योदयाचे प्रतीक आहे. पक्ष्यांचे घरटे असणे म्हणजे त्या घरातील वास्तू दोष संपले असून तिथे आता सकारात्मक ऊर्जेचा वास आहे. हे तुमच्या घरातील सुख-शांती आणि संपत्तीत वाढ होण्याचे संकेत आहेत.

स्वप्नात झाडू, घुबड किंवा पाण्याचे भांडे दिसणे

स्वप्न शास्त्रानुसार, काही विशिष्ट स्वप्ने तुमच्या श्रीमंत होण्यावर शिक्कामोर्तब करतात. स्वप्नात झाडू दिसणे म्हणजे दारिद्र्य दूर होणार आहे. घुबड दिसणे म्हणजे साक्षात लक्ष्मीचे आगमन होणार आहे. तसेच स्वप्नात पाण्याने भरलेला हंडा किंवा माठ दिसणे हे प्रचंड धनलाभाचे सूचक आहे.

सकाळी उठल्याबरोबर शंख किंवा घंटा नाद ऐकू येणे

जर तुम्हाला सकाळी झोपेतून उठल्याबरोबर मंदिरातील शंखाचा आवाज किंवा घंटेचा नाद ऐकू आला, तर तुमचा दिवस भाग्यवान ठरणार आहे. हे संकेत सांगतात की तुमची प्रदीर्घ काळापासून रखडलेली कामे पूर्ण होणार आहेत आणि नशिबाची पूर्ण साथ लाभणार आहे.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)

view comments

Location :

Mumbai,Maharashtra

First Published :

Feb 22, 2026 7:31 PM IST

तुमच्यासोबतही घडतंय का असं? श्रीमंत होण्याची आहेत लक्षणं, 'या' इशाऱ्यांकडे करू नका दुर्लक्ष!