6 बॉल 6 सिक्स, फास्टेस्ट फिफ्टी... युवराजचं रेकॉर्ड मोडणारा इंग्लंडला नडला, कोण आहे नेपाळचा धुरंदर?

नेपाळच्या चाहत्यांना दीपेंद्र सिंग ऐरी याच्याकडून अपेक्षा होत्या. दीपेंद्रने 29 बॉलमध्ये 44 रनची खेळी केली, ज्यात 6 फोर आणि एका सिक्सचा समावेश होता. दीपेंद्र सिंगच्या नावावर आंतरराष्ट्रीय क्रिकेटमध्ये युवराज सिंगचा विक्रम मोडण्याचा रेकॉर्ड आहे. दीपेंद्रने युवराजप्रमाणेच 6 बॉल 6 सिक्स मारल्या आहेत आणि सगळ्यात जलद अर्धशतकही ठोकलं आहे.

दीपेंद्र सिंग ऐरीचा जन्म 24 जानेवारी 2000 साली झाला. दीपेंद्र सिंग हा बॅटिंगसोबतच ऑफ स्पिनर बॉलिंगही करतो. 2023 साली मंगोलियाविरुद्ध दीपेंद्र सिंग ऐरीने फक्त 9 बॉलमध्ये अर्धशतक ठोकलं होतं. आंतरराष्ट्रीय क्रिकेटमध्ये सगळ्यात जलद अर्धशतकाचा हा विक्रम अजूनही दीपेंद्र सिंग ऐरीच्या नावावर आहे.

दीपेंद्र सिंग ऐरीशिवाय लोकेश बामने इंग्लंडविरुद्धच्या सामन्यात 20 बॉलमध्ये 4 फोर आणि 2 सिक्सच्या मदतीने नाबाद 39 रन केले. तर कर्णधार रोहित पौडेलने 34 बॉल 39 आणि कुशल भुरटेलने 17 बॉल 29 रनची खेळी केली. यंदाच्या टी-20 वर्ल्ड कपमधला हा आतापर्यंतचा सगळ्यात रोमांचक सामना होता. शेवटच्या ओव्हरमध्ये नेपाळला विजयासाठी 10 रनची गरज होती, पण सॅम करनने अचूक बॉलिंग करत फक्त 5 रन दिले, त्यामुळे नेपाळच्या हातात आलेला विजय निसटला.