बाप रे! 41 अंश सेल्सियस उन्हात, तब्बल 41 दिवस, तेही जाळ अन् धुरात 'हे' नागासाधू करताहेत कठोर तपश्चर्या, पण कशासाठी?

राजस्थानमधील जयपूरमार्गे डेरीच्या बाहेरील भागात पंचधुनी आखाड्याचे तपस्वीबापू चितेश्वरानंद नागा महाराज यांनी ही तपश्चर्या सुरू केलेली आहे. देशाला विश्वगुरु बनवण्यासाठी आणि जगात शांततेचे वातावरण टिकवण्यासाठी ही मोठी आणि अत्यंत कठोर तपश्चर्या करत आहेत. 1 एप्रिल ते 11 मे या 41 दिवसांच्या तपश्चर्येदरम्यान, नागा साधू चितेश्वरानंद नागा महाराजांचे दर्शन घेण्यासाठी लोकांची मोठी गर्दी होत आहे.

दुपारी 12 ते 4 या वेळेत तीव्र उन्हाळ्यात पाच धुपण्या पेटवून ते कठोर तपश्चर्या करत आहेत. हे तपस्वी वयाच्या 12 व्या वर्षापासून तपश्चर्या करत आहेत आणि भक्त जेव्हा 3 किंवा 5 प्रदक्षिणा करतात, तेव्हा त्यांना पायाच्या तळव्याला फोड येण्याइतकी उष्णता जाणवते.

जगदीश खुंट यांनी सांगितले की, "उन्हाळ्यात 41 ते 43 अंश सेल्सियस तापमान सहन करणे अशक्य आहे, अशा स्थितीत हे तपस्वी साधू विश्वशांतीच्या संदेशासह पंचधुनी हठयोगाची तपश्चर्या करत आहेत. दर्शनासाठी येथे मोठ्या संख्येने लोक येत आहेत." तीव्र उन्हात, जमिनीवर बसून आणि चारही बाजूंनी अग्नी पेटवून दुपारी 12 ते 4 या वेळेत कठोर तपश्चर्या करणारे तपस्वी चितेश्वरानंद नागा महाराज, पंचधुनी तप महानुष्ठानाने परमेश्वराची प्राप्ती होईल या श्रद्धेने 11 मे पर्यंत साधूंची 41 दिवसांची पंचधुनी हठयोगाची तपश्चर्या सुरू ठेवणार आहेत.