सोयाबीन मार्केटमध्ये मोठा उलटफेर! दरात घसरण, आजचे बाजार भाव काय?

Published by:Ajit Bhabad

Last Updated:Feb 12, 2026 1:36 PM IST

Soyabean Market : राज्यातील विविध कृषी उत्पन्न बाजार समित्यांमध्ये सोयाबीनच्या दरात चढ-उतार दिसून येत असून बहुतांश ठिकाणी सर्वसाधारण दर ४,८०० ते ५,३०० रुपयांच्या दरम्यान आहेत.

मुंबई : राज्यातील विविध कृषी उत्पन्न बाजार समित्यांमध्ये सोयाबीनच्या दरात चढ-उतार दिसून येत असून बहुतांश ठिकाणी सर्वसाधारण दर ४,८०० ते ५,३०० रुपयांच्या दरम्यान आहेत. काही बाजारांमध्ये कमाल दर ६ हजार रुपयांच्या पुढे गेल्याने शेतकऱ्यांना दिलासा मिळाला आहे.

नागपूर, पालममध्ये स्थिर दर

१२ फेब्रुवारी रोजी नागपूर बाजार समितीत ६५४ क्विंटल लोकल सोयाबीनची आवक झाली. येथे किमान ४,४०० तर कमाल ५,१०० रुपये दर मिळाला असून सरासरी दर ४,९२५ रुपये नोंदविण्यात आला. पालम बाजारात पिवळ्या सोयाबीनसाठी ५,१५१ रुपयांचा एकसमान दर मिळाला.

लासलगाव, कारंजा, रिसोडमध्ये मोठी आवक

११ फेब्रुवारीच्या आकडेवारीनुसार लासलगाव बाजारात १,०१४ क्विंटल तर लासलगाव-विंचूर येथे १,१७६ क्विंटल आवक झाली. येथे कमाल दर अनुक्रमे ५,३०१ व ५,३८० रुपये नोंदविण्यात आला.

कारंजा बाजार समितीत तब्बल ५,५०० क्विंटल आवक झाली असून सर्वसाधारण दर ५,००० रुपये राहिला. रिसोड येथे २,७७० क्विंटल आवक झाली आणि सरासरी दर ५,००० रुपये मिळाला.

लातूर, जालना, अकोला पट्ट्यात तेजी

लातूर बाजारात ९,८९० क्विंटल पिवळ्या सोयाबीनची मोठी आवक झाली. येथे किमान ४,८६१ तर कमाल ५,२७१ रुपये दर मिळाला; सरासरी दर ५,१०० रुपये राहिला.

जालना येथे ३,६७५ क्विंटल आवक झाली असून कमाल दर ५,५०० रुपये नोंदविला गेला. अकोला बाजारात ४,७९९ क्विंटल आवक झाली आणि सर्वसाधारण दर ५,२०० रुपये राहिला.

मंगरुळपीरमध्ये उच्चांक

मंगरुळपीर बाजारात ३,०७७ क्विंटल आवक झाली असून येथे कमाल दर ६,१०५ रुपये नोंदविला गेला, जो सध्या राज्यातील उच्चांकी दरांपैकी एक आहे. सरासरी दर ५,६०० रुपये राहिला. मुर्तीजापूर येथेही ५,३५० रुपयांपर्यंत दर मिळाला.

अमरावती, हिंगोली, मेहकरमध्ये मध्यम दर

अमरावतीत ५,४४५ क्विंटल आवक झाली असून सरासरी दर ४,८२५ रुपये राहिला. हिंगोली (१,०७५ क्विंटल) येथे ४,९२५ रुपये तर मेहकर (१,१३० क्विंटल) येथे ५,००० रुपये सरासरी दर नोंदविण्यात आला.

जळगावमध्ये कमाल ७,५५० रुपये

जळगाव बाजार समितीत लोकल सोयाबीनसाठी कमाल ७,५५० रुपये दर नोंदविण्यात आला, तर सरासरी दर ५,४७० रुपये राहिला. हा दर इतर बाजारांच्या तुलनेत जास्त असल्याचे दिसून आले.

इतर बाजारांचा आढावा

कोपरगाव (५,०८०), औसा (५,११६), निलंगा (५,२००), उमरखेड (५,२००), आंबेजोगाई (५,०५०), अहमदपूर (५,०००) या बाजारांमध्ये दर स्थिर राहिले. काही ठिकाणी जसे काटोल, सिंदी येथे किमान दर ३,००० ते ३,१०० रुपयांपर्यंत खाली आले.

view comments