याला म्हणतात स्मार्ट शेती! धुळ्याच्या शिरीषने टायमिंग साधला, या पिकातून फक्त ६५ दिवसांत कमवले ८ लाख रुपये

धुळे : पारंपरिक पिकांतील अनिश्चिततेमुळे चिंतेत असलेल्या शेतकऱ्यांसाठी देऊर येथील शिरीष देवरे यांनी एक वेगळा आदर्श निर्माण केला आहे. कपाशीला पर्याय म्हणून त्यांनी टरबूज पिकाची निवड केली आणि अवघ्या ६५ दिवसांत भरघोस उत्पन्न मिळवत यशस्वी प्रयोग साकारला आहे. त्यांच्या शेतातील दर्जेदार टरबूजांना आता राज्याबाहेरही मोठी मागणी निर्माण झाली असून, गुजरातमधील अहमदाबादसह विविध बाजारपेठांमध्ये त्यांची विक्री होत आहे.