सोयबीनच्या दरात पुन्हा सुधारणा! शेतकऱ्यांना दिलासा, सध्याचे मार्केट काय?

अहिल्यानगर बाजार समितीत सोयाबीनची २७२ क्विंटल आवक नोंदवण्यात आली. येथे किमान दर ५,००० रुपये, कमाल ५,३०० रुपये तर सरासरी दर ५,१५० रुपये राहिला. लातूर बाजारात सर्वाधिक म्हणजे तब्बल ८,००० क्विंटल सोयाबीनची आवक झाली असून पिवळ्या सोयाबीनला ४,९४३ ते ५,३२७ रुपये दर मिळाला. जालना बाजारातही मोठी आवक दिसून आली असून येथे उच्च प्रतीच्या सोयाबीनला थेट ५,७०० रुपयांचा कमाल दर मिळाल्याने शेतकऱ्यांमध्ये समाधानाचे वातावरण आहे.

विदर्भातील अकोला, अमरावती आणि नागपूर बाजारांमध्ये सोयाबीनच्या दरांमध्ये संमिश्रता पाहायला मिळाली. अकोल्यात १,७१२ क्विंटल आवक झाली असून येथे सरासरी दर ५,३८० रुपये नोंदवण्यात आला. अमरावतीत लोकल सोयाबीनला ४,८०० ते ५,२५१ रुपये दर मिळाला, तर नागपूरमध्ये सरासरी ५,२१२ रुपये दर मिळाल्याची माहिती बाजार सूत्रांनी दिली.

पश्चिम महाराष्ट्रातील सोलापूर, पाचोरा आणि कोपरगाव बाजारांत आवक तुलनेने कमी असली तरी दर स्थिर राहिले. सोलापूर बाजारात लोकल सोयाबीनला ५,३३० ते ५,३७० रुपये असा चांगला भाव मिळाला. पाचोर्‍यात सरासरी दर ४,८०० रुपये तर कोपरगावात ५,२५० रुपये दर नोंदवण्यात आला.