सकाळी महादेवाच्या पूजेचा मुहूर्त चुकला, तरी घाबरू नका; संध्याकाळी 'या' वेळेत करू शकता पूजा!

Mahashivratri Puja Muhurt : आज देशभरात महाशिवरात्रीचा उत्सव मोठ्या भक्तीभावाने साजरा केला जात आहे. अनेक वेळा कामाच्या व्यापामुळे किंवा इतर काही कारणांमुळे भाविकांना सकाळी लवकर मंदिरात जाऊन किंवा घरी महादेवाची पूजा करणे शक्य होत नाही. मात्र, शास्त्रानुसार महाशिवरात्रीची पूजा ही केवळ सकाळीच नाही, तर संध्याकाळी आणि मध्यरात्री करणे अधिक फलदायी मानले जाते. शिवपुराणानुसार, महाशिवरात्रीच्या रात्रीचे चार प्रहर पूजेसाठी अत्यंत महत्त्वाचे असतात. जर तुमची सकाळची पूजा चुकली असेल, तर संध्याकाळच्या पूजेसाठी हे मुहूर्त अत्यंत शुभ मानले जात आहेत.