उसने पैसे देताना दहावेळा विचार करा! पुण्यात पैसे परत मागताच समोरच्याची सटकली, पिस्तूल काढला अन्...

पुणे: पुण्यात गुन्हेगारीच्या घटना थांबण्याचं नाव घेत नाहीये. आता पुन्हा एकदा एक धक्कादायक घटना समोर आली आहे. यात शंकरशेठ रस्त्यावरील धोबी घाट परिसरात पैशांच्या व्यवहारातून वाद झाला. यानंतर एका व्यक्तीसह त्याच्या दोन भाच्यांवर पिस्तूल रोखून जीवघेणा हल्ला करण्यात आला आहे. याप्रकरणी स्वारगेट पोलिसांनी तत्परतेने कारवाई करत दोघांना अटक केली. तसंच या प्रकरणात एकूण ६ जणांविरुद्ध गुन्हा दाखल करण्यात आला आहे.