TRENDING:
पाच एकरात आधुनिक पद्धतीने लागवड
देवरे यांनी रब्बी हंगामात पाच एकर क्षेत्रावर टरबूज लागवड केली. ६ बाय ४ अंतरावर बेड तयार करून मल्चिंग पेपर आणि ठिबक सिंचनाचा प्रभावी वापर करण्यात आला. पारंपरिक बियाण्यांऐवजी रोप लागवड पद्धतीचा अवलंब केल्यामुळे पिकाची वाढ अधिक जोमदार झाली आणि उत्पादन खर्चातही बचत झाली.
१०० टनांची विक्रमी पहिली तोडणी
advertisement
उन्हाळ्याच्या वाढत्या तीव्रतेमुळे सध्या बाजारात टरबूजाला मोठी मागणी आहे. देवरे यांच्या शेतातील टरबूजांचे वजन साधारण ४ ते ६ किलोपर्यंत आहे. पहिल्याच तोडणीत सुमारे १०० टन उत्पादन मिळाले असून, व्यापाऱ्यांनी प्रति किलो ८ रुपये दराने खरेदी केली. गुजरातसह दिल्ली आणि राजस्थानमध्येही मागणी वाढल्याने या पिकाला चांगली बाजारपेठ मिळाली आहे.
दोन महिन्यांत लाखोंचे उत्पन्न
कापूस आणि मका यांसारख्या पिकांमधून अपेक्षित उत्पन्न मिळत नसताना, देवरे यांनी योग्य नियोजन, वेळेवर फवारणी आणि व्यवस्थापनाच्या जोरावर अवघ्या दोन महिन्यांत सुमारे ८ लाख रुपयांचे उत्पन्न मिळवले. सर्व खर्च वजा जाता त्यांना जवळपास ५ लाख रुपयांचा निव्वळ नफा झाला आहे.
शेतकऱ्यांसाठी प्रेरणादायी यशोगाथा
“टरबूज लागवड सोपी नाही, त्यासाठी सातत्याने लक्ष द्यावे लागते. वेळेवर फवारणी आणि व्यवस्थापन खर्चिक असले तरी योग्य नियोजन केल्यास चांगले उत्पन्न मिळू शकते,” असे शिरीष देवरे यांनी सांगितले. त्यांच्या या यशस्वी प्रयोगामुळे परिसरातील इतर शेतकऱ्यांनाही प्रेरणा मिळत आहे.