मंगळ-राहूचा भयंकर अंगारक योग! एप्रिल २०२६ पर्यंत या ३ राशींना सावध राहावच लागणार, अन्यथा दुर्घटना घडणार

मंगळ-राहू युतीने निर्माण होणार अंगारक योग

ज्योतिषशास्त्रात मंगळ आणि राहू या दोन्ही ग्रहांना उग्र आणि प्रभावी मानले जाते. मंगळ हा ऊर्जा, पराक्रम, धैर्य आणि रागाचा कारक ग्रह आहे, तर राहू हा भ्रम, अचानक घडामोडी, अपघात आणि अस्थिरतेशी संबंधित मानला जातो. हे दोन्ही ग्रह एकत्र आले की ‘अंगारक योग’ तयार होतो, जो अनेकदा अशुभ फल देणारा मानला जातो. २३ फेब्रुवारी २०२६ रोजी मंगळ शनीच्या कुंभ राशीत प्रवेश करणार आहे. याच राशीत राहू आधीपासूनच विराजमान असल्याने, या दोघांची युती होऊन प्राणघातक अंगारक योग तयार होईल.

advertisement

फेब्रुवारी ते एप्रिल २०२६, सावध राहण्याचा काळ

ज्योतिषांच्या मते, कुंभ राशीत तयार होणारा हा अंगारक योग फेब्रुवारी ते एप्रिल २०२६ या कालावधीत प्रभावी राहणार आहे. या काळात काही राशींना करिअर, आर्थिक व्यवहार, आरोग्य आणि नातेसंबंधांमध्ये अडचणींचा सामना करावा लागू शकतो. २ एप्रिल २०२६ रोजी मंगळ मीन राशीत प्रवेश करेल आणि तेव्हा ही युती तुटेल. त्यानंतर अंगारक योगाचे तीव्र परिणाम हळूहळू कमी होतील. मात्र तोपर्यंत काही राशींनी विशेष सावधगिरी बाळगण्याचा सल्ला देण्यात आला आहे.

मेष (Aries)

मेष राशीसाठी हा काळ आव्हानात्मक ठरू शकतो. मंगळ हा या राशीचा स्वामी ग्रह असल्याने, राहूसोबतची युती मेष राशीच्या लोकांना मानसिक तणाव देऊ शकते. कामाच्या ठिकाणी अचानक अडथळे, वरिष्ठांशी मतभेद, आर्थिक खर्च वाढणे आणि आरोग्याच्या तक्रारी संभवतात. रागावर नियंत्रण ठेवणे आणि निर्णय घेताना संयम राखणे अत्यंत गरजेचे ठरेल.

मकर (Capricorn)

मकर राशीच्या लोकांसाठी अंगारक योग आर्थिक नुकसान आणि करिअरमधील अडचणी घेऊन येऊ शकतो. व्यवसायात तोटा, गुंतवणुकीत अडचणी आणि कामाचा ताण वाढण्याची शक्यता आहे. वैयक्तिक आयुष्यातही गैरसमज निर्माण होऊ शकतात. त्यामुळे या काळात मोठे निर्णय टाळावेत आणि व्यवहार करताना सतर्क राहावे.

मीन (Pisces)

मीन राशीच्या लोकांसाठी हा काळ अस्थिरतेचा ठरू शकतो. करिअरमध्ये बदल, नोकरीत अनिश्चितता किंवा व्यवसायात नुकसान होण्याची शक्यता आहे. वाहन चालवताना आणि प्रवास करताना विशेष काळजी घ्यावी. कोणताही महत्त्वाचा निर्णय घाईत न घेता विचारपूर्वक घ्यावा.

दुष्परिणाम कमी करण्यासाठी उपाय

ज्योतिषशास्त्रानुसार, अंगारक योगाचे नकारात्मक परिणाम कमी करण्यासाठी काही उपाय उपयुक्त ठरू शकतात. दररोज किंवा मंगळवारी हनुमान चालीसा अथवा सुंदरकांडचे पठण करावे. मंगळवारी उपवास करणे, तांबे किंवा लाल रंगाच्या वस्तू दान करणे, तसेच लाल गायीला गूळ खाऊ घालणे हे उपाय लाभदायक मानले जातात. या उपायांमुळे मानसिक स्थैर्य मिळून नकारात्मक प्रभाव काही अंशी कमी होऊ शकतो, असा विश्वास आहे.

(सदर बातमी फक्त माहितीसाठी असून न्यूज १८ मराठी कुठलाही दावा करत नाही)