TRENDING:
टू-व्हीलरसाठी दोन नवीन सिरीज
BKT (बालकृष्ण इंडस्ट्रीज) ने आपल्या नवीन टू-व्हीलर टायर सिरीज BKT Zenova आणि BKT Thyros याबाबत सविस्तर माहिती दिली आहे. कंपनीनुसार हे दोन्ही टायर्स भारतीय रस्त्यांच्या गरजा लक्षात घेऊन डिझाइन करण्यात आले आहेत आणि आराम, सुरक्षितता, ग्रिप व मायलेज यावर विशेष भर देण्यात आला आहे.
advertisement
BKT Zenova हा टायर विशेषतः शहरातील रोजच्या वापरासाठी तयार करण्यात आला आहे. शहरातील ट्रॅफिक, वारंवार ब्रेक लावणे, खड्डे किंवा ओले रस्ते यांसारख्या परिस्थिती लक्षात घेऊन याची रचना करण्यात आली आहे. हा टायर स्मूथ हँडलिंग, स्थिर कंट्रोल आणि चांगली ग्रिप देण्यासाठी डिझाइन केला आहे. त्यामुळे रोज ऑफिसला जाणे, बाजारात जाणे किंवा लहान अंतराच्या प्रवासासाठी Zenova योग्य पर्याय मानला जात आहे. कंपनीचा दावा आहे की हा टायर आरामदायी राइड अनुभव देतो आणि दीर्घकाळ टिकाऊपणावरही भर देतो.
दुसरीकडे, BKT Thyros हा टायर ऑन-रोड आणि ऑफ-रोड दोन्ही प्रकारच्या रस्त्यांसाठी तयार करण्यात आला आहे. ग्रामीण भागातील रस्ते, खडबडीत पृष्ठभाग किंवा शहराबाहेरील लांब प्रवास लक्षात घेऊन याची रचना करण्यात आली आहे. मिश्र भूप्रदेशातही वाहनाला स्थिरता आणि चांगला कंट्रोल मिळावा यासाठी या टायरमध्ये विशेष ट्रेड पॅटर्न आणि मजबूत बांधणी देण्यात आली आहे. सुरक्षितता आणि संतुलन यावर Thyros मध्ये जास्त भर देण्यात आला आहे.
कंपनीच्या माहितीनुसार, Zenova आणि Thyros हे दोन्ही टायर्स भारतात IATF 16949 प्रमाणित प्रक्रियेनुसार तयार केले जातात. इंदूर येथील NATRAX येथे या टायर्सची वेट आणि ड्राय ब्रेकिंग, हँडलिंग आणि राइड क्वालिटी यांसाठी चाचणी घेण्यात आली आहे. तसेच हे टायर्स BIS मानकांनुसार प्रमाणित आहेत.
हायवे कमर्शियल वाहनांसाठीही नवीन टायर्स
BKT ने हायवेवर चालणाऱ्या मध्यम आणि जड कमर्शियल वाहनांसाठी दोन नवीन टायर्स सादर केले आहेत – BKT m.Loadxpert (11.00R20) आणि BKT Milexpert RG (295/90R20). हे टायर्स विशेषतः सिमेंट वाहतूक, कन्स्ट्रक्शन मटेरियल लॉजिस्टिक्स आणि प्रादेशिक मालवाहतूक करणाऱ्या ट्रकसाठी डिझाइन करण्यात आले आहेत.
m.Loadxpert हा टायर जड भार वाहून नेणाऱ्या वाहनांसाठी मजबूत केसिंग, स्थिरता आणि लांब पल्ल्याच्या प्रवासात सातत्यपूर्ण परफॉर्मन्स देण्यासाठी तयार करण्यात आला आहे. तर Milexpert RG हा टायर हायवेवर नियमित आणि मध्यम ते लांब अंतराच्या कार्गो वाहतुकीसाठी योग्य असून, त्यामध्ये रस्त्यावर चांगला कंट्रोल, संतुलन आणि टिकाऊपणा यावर भर देण्यात आला आहे. कंपनीच्या माहितीनुसार, या दोन्ही टायर्सवर उत्पादन प्रक्रियेदरम्यान 138 गुणवत्ता तपासण्या आणि 20 पेक्षा अधिक डिझाइन चाचण्या केल्या जातात.
तसेच BIS मानकांचे पालन करून हे टायर्स तयार केले जातात. एकूणच, जड मालवाहतूक करणाऱ्या फ्लीट ऑपरेटर आणि ट्रान्सपोर्ट कंपन्यांसाठी स्थिर, मजबूत आणि विश्वासार्ह पर्याय म्हणून हे टायर्स मार्केटमध्ये आणले गेले आहेत.
किंमत काय?
सध्या Zenova, Thyros आणि कमर्शियल सिरीजची अधिकृत किंमत जाहीर करण्यात आलेली नाही. टू-व्हीलर टायर मार्केटमध्ये साधारणपणे साईझनुसार 1,000 ते 5,000 रुपयांच्या दरम्यान किंमत असते, तर कमर्शियल टायरची किंमत त्यापेक्षा जास्त असू शकते. कंपनी लवकरच डीलर नेटवर्कमार्फत किंमती जाहीर करण्याची शक्यता आहे.
कंपनीचे मत
कंपनीचे चेअरमन आणि व्यवस्थापकीय संचालक Arvind Poddar यांनी सांगितले की, भारतातील बदलत्या गरजा लक्षात घेऊन सुरक्षित, विश्वासार्ह आणि योग्य किमतीत टायर्स देण्यावर कंपनीचा भर असेल. कंपनीने विस्तारासाठी सुमारे 3,500 कोटी रुपयांची गुंतवणूक जाहीर केली आहे आणि 2030 पर्यंत 23,000 कोटी रुपयांचा टर्नओव्हर करण्याचे लक्ष्य ठेवले आहे.