Royal Enfield Classic 350 ची किंमत स्वस्त होईल असं सांगितलं जात आहे. पण क्लासिक ३५० आणि इतर ३५० सीसी बाईक आता अधिक परवडणाऱ्या होतील. भारताच्या अर्थमंत्री निर्मला सीतारमण यांनी कार आणि बाईकसाठी नवीन जीएसटी दर जाहीर केले आहेत. जीएसटी सुधारणांनुसार, ३५० सीसीपेक्षा कमी इंजिन असलेल्या बाईकवर आता २८% जीएसटी ऐवजी १८% जीएसटी लागेल. त्यामुळे, रॉयल एनफील्डच्या सर्व ३५० सीसी बाईक, ज्यामध्ये त्यांची सर्वाधिक विक्री होणारी बाईक क्लासिक ३५० देखील समावेश आहे, आता कमी किमतीत उपलब्ध होतील. एवढंच नाहीतर, ३५० सीसीपेक्षा जास्त इंजिन क्षमता असलेल्या बाईक लक्झरी वस्तू म्हणून वर्गीकृत केल्या जातील आणि त्या महाग होतील.
advertisement
२२ सप्टेंबरपासून नवे दर
वाढलेल्या जीएसटी दरांमुळे या बाईक्सच्या किमती २९% ते ४०% वाढतील. जरी रॉयल एनफील्डला त्याची बहुतेक विक्री ३५० सीसी लाइनअपमधून होत असली तरी, Himalayan 450, Continental 650 आणि काही इतर लोकप्रिय हाय-एंड मोटारसायकलींमुळे ब्रँडला तोटा सहन करावा लागू शकतो. केंद्र सरकारच्या धोरणामुळे किंमतीत सुधारणा २२ सप्टेंबरपासून लागू होतील.Royal Enfield Classic 350 ची विक्री आणखी वाढू शकते का आणि उच्च-क्षमतेच्या मोटारसायकलींची विक्री कमी होते का, हे पाहण्याचं ठरणार आहे.
Royal Enfield Classic 350 ची किती होईल किंमत?
Royal Enfield Classic 350 ही एक रेट्रो-स्टाईलमधली बाईक आहे जी तिच्या रायडिंग फील आणि रोड प्रेझेन्ससाठी खूप लोकप्रिय आहे. त्यात अॅडजस्टेबल ब्रेक आणि क्लच लीव्हर्स, टाइप-सी चार्जिंग, एलईडी हेडलाइट, ड्युअल-चॅनेल एबीएस, नेव्हिगेशन पॉड आणि बरेच काही समावेश आहे. या बाईकला ३४९ सीसी इंजिनमधून पॉवर मिळते जे २०.२ बीएचपी आणि २७ एनएम टॉर्क जनरेट करते आणि त्यात ५-स्पीड गिअरबॉक्स आहे. सध्याची रॉयल एनफील्ड क्लासिक ३५० ची किंमत मुंबईत २.३४ लाख ते २.९९ लाख रुपयांच्या दरम्यान आहे. ती आता १० टक्क्यांने कमी होईल.