TRENDING:
Maruti e Vitara ची सुरुवाती किंमत १०.९९ लाखांपासून सुरू केली आहे. ही किंमत Battery-as-a-Service (BaaS) व्हेरियंटवर ठरवण्यात आली आहे. म्हणजे, गाडीची किंमत वेगळी असणार आहे आणि बॅटरीची किंमत वेगळी असणार आहे. त्यामुळे ग्राहकांना बॅटरीसाठी कंपनी ही 3.99 रुपये प्रति किलोमीटर चार्ज करणार असल्याची माहिती देण्यात आली आहे.
Maruti e Vitara ही मारुतीची पहिली EV
advertisement
मारुती सुझुकीची Maruti e Vitara ही पहिली वहिली इलेक्ट्रिक एसयूव्ही आहे. डिसेंबर 2025 मध्ये लाँच करण्यात आली होती. या Maruti e Vitara लाँच करून मारुतीने ईव्ही मार्केटमध्ये पाऊल ठेवलं होतं. या एसयूव्हीची बुकिंग जानेवारी २०२६ पासून सुरू होणार होती. पण किंमत जाहीर न केल्यामुळे हे थांबवण्यात आलं होतं. दरम्यान, मारुती सुझुकीने Maruti e Vitara चं प्रोडक्शन आधीच सुरू केला आहे. २०२५ च्या अखेरीपर्यंत जवळपास 13,000 यूनिट्स हे 28 देशांमध्ये निर्यात करण्यात आले आहे. Maruti e Vitara ही सुझुकी आणि टोयोटाच्या ग्लोबल भागीदारीअंतर्गत तयार करण्यात आली आहे.
Maruti e Vitara ची रेंज किती?
Maruti e Vitara एकदा पूर्ण चार्ज केल्यावर 543 किलोमीटर इतकी रेंज देईल असा दावा कंपनीने केला आहे. मारुतीने Maruti e Vitara मध्ये Delta, Zeta आणि Alpha व्हेरियंट्स आणले आहे. यामध्ये २ बॅटरी पर्याय दिले आहे एक 49 kWh आणि दुसरा 61 kWh. Delta व्हेरियंटमध्ये छोटी बॅटरी दिली आहे. तर मोठ्या व्हेरियंट्समध्ये मोठी बॅटरी दिली आहे.
चार्जिंग सेंटरची तयारी
मारुतीचं देशभरात सगळ्यात मोठं नेटवर्क आहे. त्यामुळे मारुतीने सर्वात आधी चार्जिंग स्टेशन तयार करण्यावर भर दिला आहे. आतापर्यंत देशभरात 1,100 शहरांमध्ये 2,000 पेक्षा जास्त चार्जिंग पॉइंट उभारले आहे. यामध्ये EV गाड्यांचा सगळ्यात जास्त वापर असलेल्या टॉप 100 शहरांचा समावेश आहे. एवढंच नाहीतर कंपनीने 13 प्रमुख चार्जिंग ऑपरेटर्ससोबत भागिदारीही केली आहे.