तामिळनाडूमध्ये तयार Range Rover फॅक्ट्रीमधून रोल-आउट! CM स्टालिन यांच्या हातात स्टीयरिंग 

चेन्नईहून जवळपास 90 किलोमीटर दूर तयार झालेल्या या प्लांटला फक्त 16 महिन्यात तयार करण्यात आले होते. सरकारने याला वेगवान काम आणि मजबूत सिस्टमचं उदाहरण असल्याचं सांगितलं. या प्लांटमध्ये तयार होणारी पहिली कार रेंज रोव्हर इवोकला रोल-आउट केले होते. ही जगुआर लँड रोव्हर म्हणजेच JLR ब्राडचा भाग आहे. सुरुवातीमध्ये येथे या कारची CKD असेम्बली होईल. म्हणजेच गाडीचे पार्ट्स बाहेरून येतील आणि येथे जोडून कार तयार केली जाईल. याची एक्स शोरुम किंमत 65 लाख रुपयांहून जास्त सांगितली जात आहे.

advertisement

Tata Sierraचा सर्वात स्वस्त व्हेरिएंट 1 लाखांच्या डाउन पेमेंटवर मिळेल? पाहा EMIचं गणित

स्टॅलिन यांनी सांभाळली स्टीयरिंग 

कारखान्यातील अधिकारी, अभियंते आणि कामगारांच्या उपस्थितीत, मुख्यमंत्री एम.के. स्टॅलिन यांनी टाटा सन्सचे अध्यक्ष एन. चंद्रशेखरन यांच्यासमवेत पहिली गाडी चालवली. स्टॅलिन म्हणाले की, त्या दिवशी द्रविडियन मॉडेलचा वेग आणि विश्वासार्हता दिसून आली. त्यांच्या अधिकृत एक्स हँडलने गाडीचे काही फोटो देखील शेअर केले.

या पोस्टमध्ये स्टॅलिनने लिहिले आहे की, "कालचा जुना उत्साह आणि आजच्या हातात आधुनिक शैली. मग तो 1958 च्या सिरीज वन लँड रोव्हर किंवा जग्वार लँड रोव्हरची रेंज रोव्हर इव्होक चालवण्याचा अनुभव असो. आजच्या तंत्रज्ञानाचा अनुभव घेणे म्हणजे दोन दिवसांत दोन युगांमधून जाण्यासारखे आहे. पण आनंद सारखाच आहे. चार चाकांची शांती हीच माझी खरी थेरेपी आहे."

कार चालता-चालता बंद झाली? अशी करा जंप-स्टार्ट, वाचेल मॅकेनिकचा खर्च

9000 कोटींची गुंतवणूक, हजारो नोकऱ्या 

हा प्लांट SIPCOT च्या 480 एकर जमिनीवर तयार झाला आहे. यामध्ये एकूण 9000 कोटी रुपयांची गुंतवणूक करण्यात आली. पहिल्या स्टेपमध्ये 900 कोटी रुपये लावण्यात आले. येणाऱ्या चार ते पाच वर्षात हा प्लांट प्रत्येक वर्षी अडीच ते तीन लाख गाड्या तयार करु शकेल. यामुळे जवळपास 5000 लोकांना थेट नोकरी मिळेल आणि हजारो लोकांना अप्रत्यक्षरित्या रोजगार मिळण्याची शक्यता आहे.

रेंज रोव्हर इव्होक येथेच तयार केले जाणार असले तरी, या प्लांटमध्ये अखेर टाटा आणि जेएलआरच्या इतर वाहनांचे उत्पादन केले जाईल. येत्या काही वर्षांत, ते नवीन तंत्रज्ञान आणि उच्च दर्जाच्या प्रोडक्ट्सवर लक्ष केंद्रित करेल असे टाटा म्हणतात. कर्नाटकातील धारवाड येथील पूर्वीच्या स्थानानंतर, रानीपेट प्लांट हा टाटा मोटर्सचा दक्षिण भारतातील दुसरा सर्वात मोठा उत्पादन केंद्र आहे. यासह, भारत आता जेएलआरच्या जागतिक उत्पादन नेटवर्कचा भाग बनला आहे, ज्यामध्ये यूके, चीन आणि ब्राझील सारखे देश समाविष्ट आहेत.