X47 Crossover, नावाप्रमाणेच एक एडव्हेंचर बाईक आहे असून स्ट्रीट नेकेड बाईकचे व्हर्जन आहे. ही F77 प्लॅटफॉर्मवर आधारित आहे, पण तिची चेसिस आणि सब-फ्रेम वेगळी आहे. बाईकला आकर्षक बीक-स्टाइल फेंडर, आकर्षक डिझाईनची टाकी आणि रेक्ड टेल सेक्शनसह कास्ट ॲल्युमिनियम सब-फ्रेम देण्यात आला आहे.
ही बाइक तीन रंगांमध्ये उपलब्ध आहे - Laser Red, Airstrike White आणि Shadow Black. या शिवाय Desert Wing वेरिएंटमध्ये मागील लगेज रॅक आणि सॉफ्ट/हार्ड पॅनियर्स दिले आहेत.
advertisement
फिचर्स काय ?
X47 Crossover चे सर्वात मोठे आकर्षण तिची रडार यंत्रणा आहे. ही बाइक ब्लाइंड स्पॉट पाहून लेन बदलण्यात मदत करते, तसंच ओव्हरटेक अलर्ट आणि मागून कुणी धडक मारणार असेल अलर्ट देते. यासोबतच बाईकमध्ये डुअल इंटिग्रेटेड कॅमेरे देखील आहेत, जे dash-cam (डॅश-कॅम) चे काम करतात. तुम्ही हवे असल्यास डुअल डिस्प्ले पर्याय निवडू शकता, जे रिअल-टाईम पुढील आणि मागील कॅमेरा फीड दाखवतो.
परफॉर्मन्स
बाईकमध्ये इलेक्ट्रिक मोटर आहे, जी 40bhp पॉवर आणि 100Nm पीक टॉर्क जनरेट करते. 0-60kmph ची स्पीड 2.7 सेकंडमध्ये पूर्ण होते आणि 0-100kmph चा स्पीड फक्त 8.1 सेकंदामध्ये पार करते. या बाइकचा टॉप स्पीड 145kmph आहे. X47 Crossover मध्ये दोन बॅटरी पर्याय आहेत - 7.1kWh आणि 10.3kWh, जे अनुक्रमे 211km आणि 323km ची range रेंज देतात. बाईकसोबत इंटिग्रेटेड चार्जर देखील दिलं आहे.
सेफ्टी आणि कंट्रोल फीचर्स
बाईकमध्ये तीन लेव्हल ट्रॅक्शन कंट्रोल, ९ लेव्हल ब्रेक रीजेनरेशन, स्विचेबल डुअल-चॅनल एबीएस ABS आणि कलर टीएफटी डिस्प्ले दिला आहे. हे फिचर सिटी रायडिंग पासून लांब adventure trips ॲडव्हेंचर ट्रिप्सपर्यंत सुरक्षित आणि संतुलित रायडिंग देतं.
बुकिंग कधी?
Ultraviolette X47 Crossover ची बुकिंग सुरू झाली आहे. बाईकची डिलिव्हरी ऑक्टोबर 2025 पासून सुरू होईल. बुकिंग करणाऱ्या सुरुवातीच्या 1,000 ग्राहक विशेष किंमतीचा लाभ घेऊ शकतात. या बाईकची किंमत 2.74 लाख रुपये (एक्स-शोरूम) ठेवण्यात आली आहे. सुरुवातीच्या 1,000 ग्राहकांना ही बाइक फक्त 2.49 लाख रुपयांमध्ये खरेदी करता येईल.