TRENDING:
लखनऊमध्ये 2019 मध्ये झालेल्या हिंदुत्ववादी कार्यकर्ते कमलेश तिवारी यांची हत्या झाली होती. या हत्येचा कट रचल्या प्रकरणी सय्यद असीम अली याची चौकशी सुरू होती. नागपूरमध्ये 17 मार्च रोजी झालेल्या दंगलीतील हा मास्टमाइंड असल्याचा पुरावा पोलिसांना आढळून आला आहे. टाईम्स ऑफ इंडियाला तपास यंत्रणातील सूत्रांनी दिलेल्या माहितीनुसार, दंगली झालेल्या ठिकाणी अली हा सीसीटीव्ही फूटेजमध्ये दिसत आहे. मात्र, त्यानंतर तो पसार झाला आहे. त्याला शोधण्याचे प्रयत्न सुरू आहेत.
advertisement
सय्यद अली आणि अटकेत असलेला आणखी एक सूत्रधार फहीम खान हे महाराष्ट्र राज्य सरकारने प्रस्तावित केलेल्या जनसुरक्षा कायद्याविरोधात आंदोलन आखण्याच्या तयारीत होते, अशी माहितीदेखील पोलिसांनी दिली. हा कायदा अर्बन नक्षलींविरोधात असल्याचे सरकारने आधीच स्पष्ट केले आहे.
नागपूरमधून निवडणुकीच्या रिंगणात...
तिवारी यांच्या हत्येनंतर नागपूरमध्ये राहणाऱ्या अलीला महाराष्ट्र एटीएसने अटक केली आणि उत्तर प्रदेश पोलिसांच्या ताब्यात दिले. जुलै 2024 मध्ये सर्वोच्च न्यायालयाने जामीन मंजूर केला होता. त्यानंतर त्याच्या गावी गेला. मात्र, 2024 च्या लोकसभा निवडणुकीत केंद्रीय मंत्री नितीन गडकरी यांच्या विरोधात तत्कालीन एमडीपीचा उमेदवार आणि सध्या अटकेत असलेल्या फहीम खान याच्या निवडणूक प्रचाराला बळ देण्यासाठी तो नागपुरात परतला. विशेष म्हणजे महाराष्ट्र एटीएसने 2019 मध्ये त्याला अटक करण्याच्या काही महिने आधी अलीने नागपुरातून नितीन गडकरींविरोधात निवडणूक लढवली होती.
पोलीस ठाण्यातही दिसला होता सय्यद अली....
नागपूरमध्ये हिंसाचार सुरू होण्याच्या काही तास आधी असीम अली हा गणेशपेठ पोलिस ठाण्यात निदर्शकांसह दिसला होता. त्याच्या मोबाइल फोनच्या तपशीलांवरून तो दोन दंगलीच्या केंद्रांवर उपस्थित असल्याचे पोलिसांना आढळून आले आहे. त्याने या दरम्यान केलेले कॉल हे कथित दंगलखोरांना केले असल्याचे आढळून आले असल्याचे तपास अधिकाऱ्यांनी सांगितले. सय्यद अली हा नागपूरमध्ये व्यवसाय करत असल्याची माहिती समोर आली आहे.