खरं तर, हे प्रकरण चेन्नईच्या मंदावेली भागातील आहे. या भागात राहणाऱ्या मेल्विन एग्मोरचा विवाह पट्टिनापक्कमच्या गायत्रीसोबत झाला होता. लग्नाला फक्त एक महिना झाला होता. दोघांनी एकमेकांसोबत वेळ घालवण्याचा निर्णय घेतला. दोघेही मोटारसायकलवरून ओल्ड महाबलीपुरम रोडवरील मरीना मॉलमध्ये पोहोचले. मॉलमध्ये थोडा वेळ घालवल्यानंतर आणि तिथलं दृश्य बघितल्यानंतर मेल्विन गायत्रीला म्हणाला, 'चला, चित्रपट बघूया.' हे ऐकून गायत्रीने चित्रपट बघायला 'हो' म्हटलं. त्यानंतर दोघेही चित्रपट बघायला गेले.
advertisement
चित्रपट सुरू झाल्यानंतर थोड्याच वेळात…
चित्रपट सुरू झाल्यानंतर थोड्याच वेळात मेल्विनला अचानक श्वास घेण्यास त्रास होऊ लागला. त्याची अवस्था बिघडलेली पाहून गायत्री घाबरली. तिने आजूबाजूच्या लोकांकडे मदत मागितली आणि लगेचच काही प्रेक्षकांनी मेल्विनला उचलून जवळच्या हॉस्पिटलमध्ये नेलं. पण तिथे पोहोचल्यावर डॉक्टरांनी सांगितलं की, हृदयविकाराचा झटका येण्यापूर्वीच मेल्विनचा मृत्यू झाला होता. हे ऐकून गायत्री जोरजोरात रडू लागली आणि तिथेच बेशुद्ध पडली. यानंतर गायत्रीलाही त्याच हॉस्पिटलमध्ये दाखल करण्यात आलं आणि तिच्यावर उपचार सुरू करण्यात आले.
गायत्रीही सोनमसारखीच आहे का?
माहिती मिळताच पोलीस घटनास्थळी पोहोचले. मेल्विनचा मृतदेह पोस्टमॉर्स्टमसाठी चेंगलपट्टू सरकारी हॉस्पिटलमध्ये पाठवण्यात आला. पोलिसांनी सुरुवातीला हृदयविकाराचा झटका मानून गुन्हा दाखल केला, पण तपासाची व्याप्ती वाढवण्यात आली. खरं तर, अलीकडच्या काळात उत्तर भारतात अशा काही घटना समोर आल्या आहेत जिथे लग्नानंतर थोड्याच काळात पतींची त्यांच्या पत्नींनी हत्या केली होती. अशा घटनांमुळे पोलीस सतर्क झाले आहेत.
त्यामुळे मेल्विनच्या मृत्यूभोवतीही संशयाची सुई फिरत आहे. खरंच हा हृदयविकाराचा झटका होता की यामागे काही कट आहे? पोलीस आता प्रत्येक पैलूचा तपास करत आहेत. गायत्रीचं म्हणणं आहे की, मेल्विन पूर्णपणे निरोगी होता आणि त्याला याआधी कोणतीही गंभीर आजार नव्हता. आता ती पोलीस तपास आणि पोस्ट-मॉर्स्टम रिपोर्टची वाट बघत आहे.
हे ही वाचा : साखरपुडा झाला, तरुणीसह घरी येत होतं कुटुंब, घाटात तिघांकडून तलवारीने हल्ला, नियोजित वधूला पळवलं
हे ही वाचा : हॉटेलच्या खोलीत, प्रियकराच्या मिठीत; बायकोला रंगेहात पकडताच पेटीकोट-ब्लाउजमध्येच ती... धक्कादायक प्रकाराची चर्चा