सर्वात्कृष्ट अभिनेत्रीचा राष्ट्रीय पुरस्कार पटकवणाऱ्या नित्या मेनन, मानसी पारेख आहेत तरी कोण?

अभिनेत्री नित्या मेनन हिला 2022 साली आलेल्या तिरुचित्रम्बलम या सिनेमासाठी सर्वात्कृष्ट अभिनेत्रीचा राष्ट्रीय पुरस्कार मिळाला आहे. या सिनेमात अभिनेता धनुष तिच्याबरोबर प्रमुख भुमिकेत होता. या सिनेमाला प्रेक्षकांनी प्रचंड प्रेम दिलं होतं. नित्या ही अभिनेत्रीबरोबर उत्तम गायिका आहे. मल्याळम, तमिळू आणि तेलुगू सिनेमात ती प्रामुख्यानं काम करते. ती अक्षय कुमारच्या मिशन मंगल सिनेमातही दिसली होती.

advertisement

( 70th National Film Award : परेश मोकाशी दिग्दर्शित 'वाळवी' ठरला सर्वोत्कृष्ट मराठी सिनेमा )

नित्याला ज्या सिनेमासाठी पुरस्कार देण्यात आला तो तिरुचित्रम्बलम हा सिनेमा फुल्ल रोमँटिक कॉमेडी सिनेमा आहे. सिनेमात धनुषनं तिरुचित्रंबलम ही भुमिका साकारली आहे. संपूर्ण सिनेमाची कथा तिरुचित्रंबलमभोवती फिरते. नित्यानं सिनेमात तिरुचित्रंबलमच्या बालपणीच्या मैत्रिणी भुमिका साकारली. शोबना असं तिच्या भुमिकेचं नाव आहे. या सिनेमानं अवघ्या 18 दिसात तब्बल 94.25 कोटी रुपयांची कमाई केली होती.

तर अभिनेत्री मानसी पारेख हिनं 2023 साली आलेल्या कच्छ एक्सप्रेस सिनेमासाठी सर्वात्कृष्ट अभिनेत्रीचा पुरस्कार मिळाला आहे. या सिनेमात फुल्ल ड्रामा पाहायला मिळतो. सिनेमात रत्ना पाठक शाह, मानसी पारेख, धर्मेंद्र गोहिल, दर्शील सफारी आणि विराफ पटेल हे कलाकार प्रमुख भुमिकेत आहेत. मानसी पारेख ही स्वत: सिनेमाच्या निर्मात्यांपैकी एक होती.

विरल शाह यांच्या गुजराती नाटकावरुन हा सिनेमा तयार करण्यात आला. हजार मैलांचा प्रवास एका पावलाने कसा सुरू होतो. त्यात प्रेम आणि आयुष्य कसं उलगडत जात हे दाखवण्यात आलं आहे. शोध कसा घेतो याभोवती हा चित्रपट फिरतो. मानसीनं सिनेमात मोंगी ही भुमिका साकारली. प्रेक्षकांबरोबर समीक्षकांनीही मोंगीच्या भुमिकेचं कौतुक केलं.