TRENDING:
बिग बॉस मराठी 6 च्या नव्या एपिसोडचा प्रोमो समोर आला आहे. ज्यात बिग बॉस सांगतात, "गेले तीन आठवडे सर्वांना कसलंच बंधन नव्हतं. पण आता बिग बॉस तुम्हाला या क्षणापासून जोड्यांमध्ये अडकवत आहे." यानंतर प्रोमोमध्ये बेडीमध्ये अडकलेल्या वेगवेगळ्या जोड्या दिसतात.
advertisement
राकेश बापट आणि अनुश्री माने, तन्वी कोलते आणि रुचिता जामदार प्राजक्ता शुक्रे आणि रोशन भजनकर, सागर कारंडे आणि प्रभू शेळके, विशाल कोटियन आणि ओमकार राऊत, दिपाली सय्यद आणि दिव्या शिंदे अशा इतर जोड्या आहेत. घरात एकूण 15 सदस्य असल्याने एकूण 6 जोड्या आणि एक त्रिकुट प्रेक्षकांना पाहायला मिळेल. सचिन कुमावत, आयुष संजीव, करण सोनावणे यांना बिग बॉसने त्रिकुटाच्या बेडीत अडकवलंय असं प्रोमोतून पाहायला मिळत आहे.
एकंदर काय एकमेकांशी वाद घालणारे बिग बॉसच्या दोन घरातील शत्रूंना बिग बॉसने बेडीत अडकवलं आहे. 'बिग बॉस मराठी'च्या आधीच्या सीझनमध्ये हा हटके टास्क पाहायला मिळाला होता. 'बिग बॉस'ने अनपेक्षित जोड्या जुळवल्या होत्या. सतत भांडणाऱ्या स्पर्धकांना जोडीच्या बेडीत अडकवलं गेलं होतं. आता या सीझनमध्ये तेच पाहायला मिळणार आहे. बिग बॉसने टोळी फोडली आहे आणि सदस्यांच्या जोड्या बनवल्या आहेत.
आता भांडणामुळे सर्वाधिक चर्चेत राहिलेले राकेश बापट आणि अनुश्री माने यांची जोडी आहे. तसंच तन्वी कोलते आणि रुचिता जामदार ज्या दोघी आधी मैत्रिणी होत्या पण आता सतत एकमेकींशी वाद घालताना दिसतात. या दोघींचीही जोडी बनवण्यात आली आहे. इतर सदस्यांचंही तसंच आहे.
आता कायम एकमेकांच्या विरोधात जाणारे हे सदस्य जोडीच्या बेडीत अडकून एकत्र आल्यावर काय ट्विस्ट येणार हे पाहणं महत्त्वाचं ठरणार आहे. प्रोमो पाहिल्यावर प्रेक्षकांचीही उत्सुकता शिगेला पोहोचली आहे. आता खरी मजा येणार आहे, असं प्रेक्षकांनी म्हटलं आहे. बिग बॉसने जुळवलेल्या तुम्हाला या जोड्या कशा वाटल्या आम्हाला आमच्या सोशल मीडियाच्या कमेंट बॉक्समध्ये नक्की सांगा.