TRENDING:
सामान्यपणे बिग बॉसच्या घरातील सदस्यांचं नॉमिनेशन होतं. त्यानंतर आठवड्याच्या शेवटच्या दिवशी भाऊच्या धक्क्यावर त्यापैकी एका सदस्याचं एव्हिकेशन होतं. म्हणजे ते घराबाहेर पडतात. दुसऱ्या आठवड्यात राधिका पाटीलनंतर तिसऱ्या आठवड्यात सोनाली राऊतचा नंबर लागला. बिग बॉस मराठी 6 च्या घरातून बाहेर आल्यानंतर सोनाली राऊतने मुलाखत दिली आहे. या मुलाखतीत तिने ती घराबाहेर का पडली यामागील नेमकं कारण सांगितलं आहे.
advertisement
सोनाली म्हणाली, मी म्हणाले होते की मी फायनलपर्यंत पोहोचणार आणि ट्रॉफी मला मिळणार. पण माझ्या हेल्थवर आलं. माझ्या हेल्थबाबत कॉम्प्रोमाइझ झालं. म्हणून मला शोमधून निघावं लागलं.
सोनाली राऊतला नक्की काय झालं?
सोनालीने सांगितलं की, मी घरात गेल्यानंतर तिसऱ्या दिवशीपासूनच मला इन्फेक्शन सुरू झालं. दुसऱ्या दिवसापासून ते पसरू लागली. सुरुवातीला बटवर आलं मग मांड्यापर्यंत पोहोचलं. नंतर हातावरही आलं. तेव्हा मी पॅनिक मूडमध्येच होते. तिथं डॉक्टरही आले होते. त्यांनी मला सांगितलं की चांगलं खा, चांगलं राहा. पण जेव्हा आपण बिग बॉसच्या घरात असतो. तेव्हा आपण चांगलं राहणार आणि खाणार हे शक्य नसतं. कारण हा टास्क बेस आणि मेंटल स्ट्रेंथचा शो आहे. मी डॉक्टरांना विचारलं पण तेही काही करू शकत नव्हते. ते मला औषधंही देत होते पण ते कंट्रोलमध्ये येत नव्हतं. मग मला ते टीमला सांगावाच लागलं.
एकंदर काय तर हायजिन म्हणजे अस्वच्छतेचं कारण देत सोनालीने बिग बॉसच्या घरात अस्वच्छता म्हणजेच डर्टिनसे असल्याचं सांगितलं. सोनालीने राजश्री मराठीला दिलेल्या मुलाखतीत हा खुलासा केला आहे.
शेणाचा टास्क खेळण्यास सोनालीने दिला होता नकार
सोनालीने शेणाच्या टास्कमध्ये अंगावर शेण पाडून घेण्यास नकार दिला होता. त्यानंतर दुसऱ्या आठवड्यात भाऊच्या धक्क्यावर सोनालीला रितेश देशमुखनं खूप झापलं होतं. रितेश सोनालीला म्हणाला, "सोनाली तुम्ही ठरवलं त्या शेणाच्या दाराखाली तुम्ही उभे नाही राहणार. तुम्ही आलाच कशाला इथे, टास्क खेळायला आलात ना तुम्ही."
Rohit Shetty : दिग्दर्शक रोहित शेट्टीला संपवण्यासाठीच गोळीबार, खळबळजनक माहिती समोर; कारण काय?
त्यावर सोनाली म्हणाली, "मला जे वाटलं ते मी केलं." त्यावर रितेश तिला म्हणाला, "ओ एक मिनिट, हा अँटिट्यूड घरी ठेवा, या घरात नाही. इथे सगळे सारखे आहेत. यावेळी नॉमिनेट केलंय पुढच्या वेळेस घराबाहेर काढेन." असं म्हणत तिला थेट नॉमिनेट करण्यात आलं होतं. त्यानंतर आता घराबाहेर पडण्याचा दुसरा नंबर सोनालीचाच आहे, असा अंदाज सगळ्यांनी बांधला आणि तो खरा ठरला. सोनालीच घराबाहेर झाली.