TRENDING:
प्रसिद्ध बॉलिवूड अभिनेत्रीला मराठी नाटकाची भुरळ
मराठी नाटकाची भूरळ पडलेली प्रसिद्ध बॉलिवूड अभिनेत्री दुसरी तिसरी कोणीही नसून ती विद्या बालन आहे. अलीकडेच विद्या बालनने मराठी नाटक पाहिलं. मराठी नाटक पाहिल्यानंतर अभिनेत्रीने तिची सोशल मीडियावर प्रतिक्रिया दिलेली आहे. नीना कुळकर्णी आणि अमृता सुभाषचं 'असेन मी नसेन मी' नाटक पाहिल्यानंतर विद्या बालनने आपली प्रतिक्रिया दिली आहे. अमृता सुभाषने तिच्या इन्स्टा अकाऊंटवर विद्या बालनचा व्हिडिओ शेअर केलेला आहे. सध्या अभिनेत्रीची प्रतिक्रिया सोशल मीडियावर कमालीची चर्चेत आली आहे. सध्या मराठी नाटकाचे अनेक बॉलिवूड सेलिब्रिटींकडून कौतुक केले जात आहे. मराठी नाटकासाठी प्रेक्षकवर्गांची संख्या आता दिवसेंदिवस झपाट्याने वाढताना दिसत आहे.
advertisement
विद्या बालनची प्रतिक्रिया
अमृता सुभाषने शेअर केलेल्या व्हिडिओमध्ये विद्या बालन म्हणते की, " काय सांगू, मला काही समजत नाहीये, नाटक पाहताना मी खूपच रडले. खरोखर खूप सुंदर मराठी नाटक आहे. ज्या पद्धतीने नाटकाचे कथानक पुढे पुढे सरकत होते, ज्या पद्धतीने नाटकाची मांडणी केली, त्यामध्येच प्रेक्षकांना खूप काही पाहायला मिळेल. मुख्य गोष्ट म्हणजे, हे नाटक तुम्हाला हसता हसता रडवेल आणि रडवता रडवता हसवेल. हा बॅलेन्स दिग्दर्शकांनी खूप उत्तम पद्धतीने सांभाळला आहे. खरोखर मी सर्व कलाकारांचा अभिनय पाहून फार थक्क झालेय. सर्व कलाकारांचे अभिनय फार अप्रतिम होते. माझ्याकडे सध्या बोलायला शब्दच नाही. नाटक पाहिल्यानंतर शब्दही कमी पडत आहेत. जर तुम्ही हे नाटक नसेल पाहिलं, तर आवर्जुन पाहा. दमदार आशय- विषय असलेलं हे नाटक आहे. जाता जात मी हेच सांगेल."
'असेन मी नसेन मी' नाटकाविषयी
'असेन मी नसेन मी'या नाटकामध्ये अभिनेत्री नीना कुळकर्णी, शुभांगी गोखले आणि अमृता सुभाष या मराठी इंडस्ट्रीतल्या अभिनेत्री प्रमुख भूमिकेत आहेत. या नाटकाला आतापर्यंत 22 पुरस्कार मिळाले आहेत. महाराष्ट्र शासनाचे 8 पारितोषिके, अखिल भारतीय नाट्य परिषदाचे 4 पारितोषिके, मा. दीनानाथ मंगेशकर पुरस्कार सारख्या पुरस्कारांचा यात समावेश आहे.