TRENDING:
विवेक सांगळेचा जन्म आणि शिक्षण मुंबईत झालेलं आहे. त्याचं संपूर्ण बालपण मुंबईत गेलं आहे. अभ्युदय नगरमध्ये वन रुम किचनच्या घरात विवेकचं बालपण गेलं आहे. विवेकनं अभिनय क्षेत्रात पाऊल ठेवल्यानंतर त्याच्या कष्टानं मुंबईत तीन घर घेतली. लालबागमध्ये घेतलं हे त्याचं तिसरं घर आहे. पण आधीच्या दोन घरांपेक्षा विवेकचं लालबागमधील घर खूप खास आहे. कारण या घरातून त्याच्या वडिलांची मिल दिसते.
advertisement
लोकमत फिल्मीशी बोलताना विवेक म्हणाला, "2000साली पप्पांची मिल बंद झाली होती. तेव्हा असं वारं वाहत होतं की मिल वाल्यांना घर मिळणार आहे. त्यांना तिथेच घर मिळणार आहेत जिथे त्यांनी काम केलं आहे. तेव्हाच मी ठरवलं होतं की असं घर हवं जिथून तो व्हूय आहे जिथे मिल दिसते. ज्या ठिकाणी माझ्या वडिलांनी 27-28 वर्ष काम केलं ती मिल घरातून दिसते. माझ्या घरातून बघताना माझ्या वडिलांना त्यांची मिल दिसली पाहिजे हे माझं स्वप्न होतं. ही माझ्यासाठी खूप स्पेशल मुमेंट होती."
विवेकनं पुढे सांगितलं, "झाडू मारण्यापासून हेड फिटरपर्यंत त्यांनी काम केलं. त्यांनी इथेच राहावं अशी माझी इच्छा होती. त्यांचा जन्म मुंबईतील आहे. गेली 70 वर्ष ते इथे आहेत. आई 50 वर्षांपासून इथे आहे. आपण शूट करत असतो. घरातील 14 तास बाहेर असतो. आपण कुठेही राहू शकतो. मला काही वाटणार नाही. मला काम करून रात्री घरी जायचं आहे. पण त्यांना तिथे राहायचं आहे. पण त्यांना असं वाटायला नको की कुठे आलो आपण, आजूबाजूला कोणी नाही. 70व्या वर्षी कुठे नवीन ओळख बनवायची. माझे आई वडील इन्ट्रोवर्ड आहेत. मला त्यांना हलवायचं नव्हतं."
"या पैशात मी बाहेर खूप मोठं घर घेऊ शकलो असतो पण लालबागमध्ये इथे राहून त्यांचे इमोशन जपणं माझ्यासाठी खूप महत्त्वाचं होतं. लालबाग किंवा साऊथ मुंबईमध्ये राहण्याची एक वाइब आहे. मी लहानपणापासून इथे राहिलोय त्यामुळे मला ती वाइफ माहितीये आणि मला ती कुठेही मिस करायची नव्हती", असंही विवेकनं सांगितलं.
विवेक पुढे म्हणाला, "मला आई-बाबांना कुठे लांब न्यायचं नव्हतं. त्यांचे मित्र मैत्रिणी मला त्यांच्यापासून तोडायचे नव्हते. आईचं भजनी मंडळ आहेत. पप्पांचे काही मित्र आहेत. त्यांना त्यांना रोज भेटता आलं पाहिजे. कारण या वयात दुसरीकडे जाऊन ओळखी बनवणं, एडजस्ट होणं खूप कठीण होऊन जातं."