महाराष्ट्राची क्रश, मराठी टेलिव्हिजन गाजवलं; मोठ्या पडद्यावर डेब्यू करताच अभिनेत्रीनं मिळवला मानाचा पुरस्कार

मराठी टेलिव्हिजनवर आपली वेगळी ओळख निर्माण करून या अभिनेत्रीनं प्रेक्षकांच्या मनावर राज्य केलं. मराठी टेलिव्हिजन गाजवल्यानंतर ही अभिनेत्री मोठ्या पडद्याकडे वळली. आणि मोठ्या पडद्यावर पदार्पणातच तिनं मानाचा पुरस्कार मिळवला.

आपण बोलत आहोत ती अभिनेत्री म्हणजे हृता दुर्गुळे. दुर्वा, फुलपाखरू, मन उडू उडू झालं यासारख्या मराठी मालिकांमधून हृतानं प्रेक्षकांची मनं जिंकली. हिट मालिकांबरोबर हृता महाराष्ट्राची क्रश झाली.

हीच महाराष्ट्राची क्रश जेव्हा मोठ्या पडद्यावर आली तेव्हाही प्रेक्षकांनी तिला भरभरून प्रेम दिलं. अनन्या या मराठी सिनेमातून हृतानं पदार्पण केलं.

हृताचं पदार्पण तिच्यासाठी खूप महत्त्वाचं ठरलं. तिच्या पहिल्याच सिनेमाची दखल महाराष्ट्र शासनानं घेतली.

हृताला उत्कृष्ट प्रथम पदार्पण अभिनेत्रीचा 60 वा राज्य मराठी चित्रपट पुरस्कार मिळाला.

हृताबरोबरच अनन्या सिनेमाचे दिग्दर्शक प्रताप फड यांचाही प्रथम पदार्पण दिग्दर्शकासाठी 60 वा राज्य मराठी चित्रपट पुरस्कार देऊन गौरव करण्यात आला.

एका अपघतात आपले दोन्ही हात गमावलेल्या एका मुलीची सत्य कथा या सिनेमातून दाखवण्यात आली होती. अनन्या हे मुळ मराठी नाटकाच्याच नावाने अनन्या हा सिनेमा तयार करण्यात आला.