TRENDING:
बिगबॉस १३ फेम अभिनेत्री माहिरा शर्मा हिंदी मालिका विश्वातील एक प्रसिद्ध अभिनेत्री आहे. २८ वर्षीय अभिनेत्रीने आजवर अनेक मालिकांमध्ये काम केले आहे. याआधी तिचे नाव बिग बॉस १३ मधील स्पर्धक पारस छाबडासोबत जोडले गेले होते. मात्र चार वर्षांनी दोघांनीही वेगळे होण्याचा निर्णय घेतला. त्यानंतर आता मोहम्मद सिराज आणि माहिरा शर्मा एकमेकांना डेट करत असल्याच्या अफवा पसरल्या आहेत. मात्र या अफवा कुठून सुरू झाल्या हे तुम्हाला माहित आहे का?
advertisement
मोहम्मद सिराज आणि माहिरा शर्मा एकमेकांना इन्स्टाग्रामवर फॉलो करत नाहीत. अशातच सिराजने माहिराचा एक फोटो लाईक केला होता. या एका लाईकने त्यांच्या डेटिंगच्या अफवांना हवा दिली. सध्या हा विषय हॉट टॉपिक बनला आहे. दरम्यान, ते दोघे एकमेकांना खरंच डेट करत आहेत का याबाबत कोणतीही माहिती समोर आलेली नाही.
या प्रकरणी माहिरा शर्माच्या आईने प्रतिक्रिया दिली असून त्यांनी ही अफवा फेटाळून लावली आहे. मिडियाशी बोलताना त्या म्हणाल्या, “लोक काहीही बोलतात. माझी मुलगी सेलिब्रिटी आहे, तर तिचे नाव कोणासोबतही जोडले जाते. तर प्रत्येक गोष्ट खरी मानायची का?” माहिरा शर्माच्या आईने या अफवा खोट्या असल्याचे सांगितले आहे.