Mrunal Thakur : मराठमोळ्या मृणाल ठाकूरला 'अटक'! हातात बेड्या, पोलीस व्हॅनमधून बाहेर येतानाचा Video व्हायरल, भानगड काय?

या व्हिडिओमध्ये मृणाल एकटी नाही तर तिच्यासोबत प्रसिद्ध फिल्ममेकर अनुराग कश्यप देखील दिसत आहेत. विशेष म्हणजे मृणालच्या हातातील बेड्या अनुराग कश्यपने पकडलेल्या दिसतात. सुरुवातीला हा व्हिडिओ पाहून कोणालाही धक्का बसेल पण हळूहळू या सगळ्यामागचं खरं कारण समोर आलं आहे.

( मराठमोळ्या अभिनेत्रीनं लिहिली कादंबरी, त्यावर Netflix बनवणार वेब सीरिज; कोण असणार हिरोईन? )

advertisement

प्रत्यक्षात मृणाल ठाकूरला अटक झालेली नसून हा सगळा प्रकार डकैत: ए लव्ह स्टोरी या सिनेमाच्या प्रमोशनचा भाग आहे. 10 एप्रिल रोजी हा सिनेमा रिलीज होणार आहे.  सिनेमाच्या प्रमोशनसाठी ही भन्नाट स्ट्रॅटेजी राबवण्यात आली आहे. या चित्रपटात मृणाल ठाकूरसोबत अनुराग कश्यपही अभिनय करताना दिसणार आहेत. त्यामुळे दोघांची ही अनोखी एन्ट्री सध्या चर्चेचा विषय ठरत आहे.

व्हिडिओमध्ये अभिनेता शैनील देव देखील दिसत असून तो खूपच आनंदी आणि रिलॅक्स मूडमध्ये असल्याचं पाहायला मिळतं. दुसरीकडे काळ्या साडीत मृणालचा लूक प्रेक्षकांचं लक्ष वेधून घेत आहे. तिचा हा ग्लॅमरस आणि दमदार अंदाज चाहत्यांना विशेष आवडला आहे.

व्हायरल व्हिडिओवर नेटकऱ्यांनी काही मजेशीर कमेंट्स केल्या आहेत. एका युजरने लिहिलंय, "लोकांचं हृदय चोरण्यासाठी अटक केली आहे." तर दुसऱ्यानं लिहिलंय, "अटक झाल्यानंतर इतकी खुश कशी दिसते?" तर काहींनी "फ्लॉप चित्रपटासाठी काहीही करतात" अशाही कमेंट्स केल्या आहेत.