TRENDING:
नुकतंच स्वतः राकेश बेदी यांनी सचिनसोबत घडलेला हा मजेशीर किस्सा सर्वांसोबत शेअर केला. सध्या सोशल मीडियावर हा किस्सा तुफान व्हायरल झाला आहे. खुद्द सचिन तेंडुलकरने आदित्य धर दिग्दर्शित 'धुरंधर २: द रिव्हेंज' या राकेश बेदींच्या कामाचं कौतुक केलं, पण त्यावर बेदींनी जे उत्तर दिलं, त्याने खुद्द मास्टर ब्लास्टरही थक्क झाला. नेमकं काय घडलं या दोघांच्या भेटीत?
advertisement
सचिन तेंडुलकरला राकेश बेदींची गुगली
राकेश बेदी यांनी सांगितलं, 'धुरंधर २' पाहिल्यानंतर सचिन तेंडुलकर यांनी राकेश बेदी यांची भेट घेतली आणि त्यांच्या अभिनयाची भरभरून स्तुती केली. सचिन म्हणाला, "मिस्टर राकेश, तुमचा अभिनय बघून खूप मजा आली. तुम्ही खरोखरच ग्रेट काम केलंय." सचिनसारख्या महान खेळाडूने केलेल्या या कौतुकाने कोणीही भारावून गेलं असतं, पण राकेश बेदींनी आपल्या खास विनोदी शैलीत सचिनवरच गुगली टाकली.
सचिनने केलेल्या कौतुकाला उत्तर देताना राकेश बेदी मिश्किलपणे म्हणाले, "हो सर, तुम्हीही खूप ग्रेट काम केलंय. पण फरक एवढाच आहे की, तुमचे सिक्सर भारतात पडले आणि माझे सिक्सर मात्र पाकिस्तानात पडले." हे ऐकताच एकच हशा पिकला. बेदींच्या या उत्तराचा रोख 'धुरंधर'च्या सीमेपलीकडील लोकप्रियतेकडे होता. 'धुरंधर २' मध्ये त्यांनी साकारलेली भूमिका आणि एकंदरीत भारतीय सिनेमाचा पाकिस्तानात असलेला मोठा चाहता वर्ग, याला त्यांनी आपल्या विनोदाची जोड दिली.
बॉक्स ऑफिसवर 'धुरंधर २'चा डंका
आदित्य धर दिग्दर्शित 'धुरंधर २: द रिव्हेंज' हा चित्रपट सध्या बॉक्स ऑफिसवर सुसाट धावत आहे. रणबीर कपूरच्या 'रामायण'ची चर्चा सुरू असतानाच, रणबीरचाच 'धुरंधर २' एकापाठोपाठ एक रेकॉर्ड्स मोडत आहे. १८ व्या दिवशी या चित्रपटाने भारतात तब्बल १००० कोटींचा टप्पा पार केला असून जगभरात १५६४ कोटींहून अधिक गल्ला जमवला आहे.