TRENDING:
राखी सावंतचा स्वभाव जितका बिनधास्त, तितकाच तिचा खेळ बेधडक असतो. ती कोणाचाही विचार न करता स्वतःच्या अटींवर खेळते. वेळ आली तर ती संपूर्ण घराची दिशा बदलण्याची ताकद ठेवते. त्यामुळेच बिग बॉसच्या घरात राखीची एन्ट्री म्हणजे ड्रामाचं लेव्हल अप मानली जात आहे. तिच्या खेळानुसार तिनं पहिल्याच दिवशी घरातील सगळ्या सदस्यांना सळो की पळो करून सोडलं आहे.
advertisement
घरात गेल्यानंतर पहिल्याच दिवशी राखीने तिचा रंग दाखवायला सुरुवात केली आहे. समोर आलेल्या प्रोमोमध्ये सागर राखीला ड्युटीबाबत विचारताना दिसतो. सागर तिला विचारतो, "मला तू सांगितलं नाहीस की ड्युटी कोणती करणार आहेस?" त्यावर राखी उत्तर देते, "मी दोन ड्युटी करणार, जेवायची आणि झोपायची."
हे ऐकून घरातील सदस्यही अवाक होतात. अनुश्री तिला म्हणते, "तू माझ्यासोबत जेवण बनव". मात्र राखी तिला थेट सुनावते, "तुम्ही मला शिकवू नका." राखीचा ड्रामा इथेच थांबत नाही. ती घरात जाते आणि सगळ्यांना म्हणते, "आता मी सती सावित्री आहे. उद्यापासून गांधारी होणार. सगळ्यांना उडवून बाहेर काढेन."
प्रोमोच्या शेवटी एक धक्कादायक सीनही दिसतोय. राखी सावंत राकेश बापट आणि सागर कारंडेला स्विमिंग पूलमध्ये ढकलताना दिसतेय. हा बिग बॉसचा टास्क होता की राखीची स्वतःची खेळी हे आजच्या भागातच समजणार आहे.
बिग बॉस मराठी 6 च्या घरात गेलेली राखी कोणाशी मैत्री करेल, कोणाशी वाद घालेल, कोणाच्या भावना जिंकेल आणि कोणाच्या नसा दाबेल हे आधी सांगणं कठीण असतं. पण तिचा गेम पाहण्यासाठी संपूर्ण महाराष्ट्र उत्सुक आहे.