खरंच सागर कारंडे Bigg Boss Marathi 6 च्या घरात मळत होता तंबाखू? अखेर टीम कडून खरंखोटं समोर

एका मुलाखतीत बोलताना केतन माणगांवकर म्हणाले, तुम्ही सागरचा व्हिडीओ नीट पाहिला तर राधा पाटिल आणि सागर यांच्यात एक मजेशीर स्किट चालू होतं. त्यात सागर निळू फुले यांचा अभिनय करत होता. तो तंबाखू खात नव्हता. नॅशनल टेलिव्हिजनवर अशी कोणतीही गोष्ट दाखवली जाऊ शकत नाही हे सर्वांना ठाऊक आहे.

( ए मारतेस काय, देऊ काय! Bigg Boss Marathi 6 च्या घरात फुल्ल ऑन राडा; पापडासाठी झापड )

advertisement

बिग बॉसच्या घरातील स्मोकिंग झोनबाबतही त्यांनी सांगितलं. ते म्हणाले, शोच्या फॉरमेटनुसार, बिग बॉसच्या घरात एक स्मोकिंग झोन असतो. स्पर्धकांना स्मोकिंग झोनच्या आत जाऊन सिगारेट ओढता येते. घरातील इतर कोणत्याही भागात सिगारेट ओढण्यास सक्त मनाई आहे. तसंच बिग बॉसच्या घरात दारू पिण्यासही मनाई आहे. बिग बॉसच्या घरात सिगारेट ओढण्याव्यतिरिक्त इतर कोणतंही व्यसन चालत नाही.

केतन माणगांवकर यांच्या प्रतिक्रियेनंतर सागर कारंडे बिग बॉस मराठीच्या घरात तंबाखू मळत नव्हता हे स्पष्ट झालं आहे. त्यामुळे प्रेक्षकांच्या मनातील अनेक प्रश्न दूर झाले आहेत.

बिग बॉस मराठी 5 चे स्पर्धक धनंजय पोवार म्हणजेच डीपी दादांनी सागर कारंडेचा व्हिडीओ शेअर करत तो तंबाखू मळत असल्याचं सांगितलं होतं. पण ते खरं की खोटं मला माहिती नाही, मला व्हिडीओ दिसला तो मी तुम्हाला दाखवला असं ते म्हणाले होते. त्यानंतरच याची सोशल मीडियावर चर्चा रंगली.