मोठ्या पडद्यावरील ' छोटा श्याम' हरपला, अभिनेते माधव वझे यांचे निधन, मराठी चित्रपटसृष्टीत शोककळा

'महाराष्ट्राची हास्यजत्रा' या कार्यक्रमाचे दिग्दर्शक सचिन गोस्वामी यांनी माधव वझे यांना श्रद्धांजली वाहिली आहे. अनेक मराठी कलाकारांनीही त्यांच्या निधनावर शोक व्यक्त केला आहे.

( 'घरातला आतंक आधी संपवायला हवा, मग बाहेरचा'; प्रसिद्ध मराठी अभिनेत्रीची पोस्ट, रोख कोणाकडे? )

बालकालाकार म्हणून सुरूवात 

1953 मध्ये प्रदर्शित झालेल्या 'श्यामची आई' या सिनेमात माधव वझे यांनी श्यामची भूमिका साकारली होती. बालकलाकार म्हणून त्यांच्या कामाचं सगळ्यांची कौतुक केलं होतं.  त्यांच्या अभिनयाने प्रेक्षकांच्या मनात कायमचं स्थान मिळवलं.

advertisement

केवळ अभिनयात नाही माधव वझे हे उत्तम समीक्षक, लेखक, दिग्दर्शक, आणि प्राध्यापक देखील होते. पुण्यातील वाडिया महाविद्यालय येथे त्यांनी इंग्रजी विषयाचे अध्यापन केले आणि प्राध्यापक म्हणून ते निवृत्त झाले.

मराठी आणि हिंदी सिनेमात ठसा उमटवला

प्राध्यापक म्हणून काम करताना माधव वझे यांनी सिनेमातही काम केलं. माधव वझे यांनी 'बापजन्म', 'एवढंस आभाळ' यांसारख्या मराठी सिनेमात काम केलं.  3 Idiots मध्ये त्यांनी जॉय लोबोच्या वडिलांची भूमिका केली होती. तर Dear Zindagi मध्येही ते महत्त्वाच्या भूमिकेत होते.