Thane Kalyan-Shil Road : मोठी बातमी! कल्याण शिळ रोड पुढील 26 दिवस वाहतूकीस बंद; पर्यायी मार्ग कोणते?

वाहतुकीत मोठे बदल लागू

मिळालेल्या माहितीनुसार, ठाणे वाहतूक पोलिसांकडून ठाणे आणि कल्याणमधील नागरिकांना महत्त्वाचे आवाहान केले आहे. ज्यात कल्याण-शिळ रोडवर मेट्रो-12 या प्रकल्पाचे काम सुरु आहे, त्यामुळे रात्रीच्या वेळी अनेक ठिकाणी वाहतूक पूर्णपणे बंद ठेवण्यात येणार आहे.

वेळ आणि तारीख नोट करा

ही वाहतूक बंदी 6 मार्चपासून सुरु झाली असून 31 मार्च 2026 या तारखेपंर्यत रात्री 11 वाजून 55 ते पहाटे 5 वाजेपर्यंत लागू असणार आहे. या मेट्रो प्रकल्पासाठी मोठ्या सिमेंट गर्डर बसवण्याचे काम सुरू करण्यात आलेले आहे, यासाठी जड गॅन्ट्री मशीनचा वापर केला जात आहे. त्यामुळे नागरिक आणि कामगारांच्या सुरक्षेच्या दृष्टीने वाहतुकीवर तात्पुरते निर्बंध लागू करण्यात आले आहेत.

advertisement

असा असेल वाहतूक बदल आणि पर्यायी मार्ग

1) 6 मार्च ते 10 मार्च दरम्यान शिळफाटा ते कल्याणकडे जाणाऱ्या सर्व वाहनांना सोनारपाडा पिलर क्रमांक 180 येथे प्रवेश बंद असेल. वाहनचालकांनी येथे डावीकडे वळून सर्विस रोडमार्गे डी.एन.एस. चौक मार्गे पुढे जावे.

2)11 मार्च ते 18 मार्च दरम्यान विक्रमानगर पिलर क्रमांक 105 येथे वाहतूक थांबवण्यात येणार आहे. या काळात वाहनांनी सर्विस रोडचा वापर करावा.

3) 19 मार्च ते 25 मार्च दरम्यान मानपाडा चौक पिलर क्रमांक 200 परिसरात वाहतुकीवर निर्बंध लागू राहतील तर वाहनांना पर्यायी मार्गाने वळवण्यात येईल.

4) 26 मार्च ते 31 मार्च दरम्यान सोनारपाडा पिलर क्रमांक 146 येथे रात्रीच्या वेळेत वाहतूक बंद राहील. वाहनचालकांनी सर्विस रोड आणि डी.एन.एस. चौक मार्गे प्रवास करावा. ठाणे वाहतूक पोलिसांनी नागरिकांना नियमांचे पालन करण्याचे आणि शक्य असल्यास पर्यायी मार्गांचा वापर करण्याचे आवाहन केले आहे.