PSI Success Story: बारावीत दोनदा नापास, 7 वर्षे केली ड्रायव्हिंग, शेतकऱ्याच्या लेकानं ठरवलं अन् झाला फौजदार, Video

शुभम सांगतो की, “त्यांच्या भागात शिक्षणाला फारसे महत्त्व नसल्याने लहानपणी अभ्यासाकडे विशेष लक्ष नव्हते. त्यामुळे बारावीच्या परीक्षेत दोन वेळा नापास झाला. बारावी नापास झाल्यानंतर घरच्यांनी पुढील शिक्षणाचा दाखला काढला आणि आता काम करून पैसे कमव, असे सांगितले. त्यानंतर छत्रपती संभाजीनगर येथे ड्रायव्हिंगची नोकरी सुरू केली. ड्रायव्हर म्हणून काम करत असतानाच त्यांना शिक्षणाचे महत्त्व समजू लागले. काम करत करत पुढे शिक्षण सुरू ठेवले आणि बीएससी केमिस्ट्रीमधून पदवीचे शिक्षण पूर्ण केले.

बुलढाणा जिल्ह्यातील त्यांच्या भागात काही जण अधिकारी झाल्याचे पाहिले. त्यांना पाहून आपणही काहीतरी मोठे करावे, अधिकारी व्हावे असा निर्धार केला. माझ्या या निर्णयाला कुटुंबीयांनी देखील पाठिंबा दिला. तेथूनच स्पर्धा परीक्षेच्या प्रवासाला सुरुवात झाली. 2022 साली ते पुण्यात आले आणि अभ्यास सुरू केला, असे शुभम सांगतो.