प्रवाशांच्या जीवाशी खेळ सुरूच, एसटीचं स्टेअरिंग मद्यधुंद चालकाच्या हाती; ...तर घडला असता मोठा अपघात

घटनेबाबत अधिक माहिती अशी की, ही घटना बुधवारी रात्री घडली आहे. खेडवरून रात्री साडेदहा वाजता बोरिवलीसाठी बस सुटते. या बसची वाट पाहात प्रवासी थांबले होते. तितक्यात ही बस आली, मात्र चालक मद्यधुंद अवस्थेत असल्यामुळे त्याचं बसवरील नियंत्रण सुटलं आणि त्याने बस तेथील पिलरला धडकवली. त्यामुळे प्रवाशांमध्ये भीतीचं वातावरण निर्माण झालं.

advertisement

बसचालक मद्यधुंद अवस्थेत असल्याचं लक्षात येताच प्रवाशी संतप्त झाले. संतप्त प्रवाशांनी घडलेल्या प्रकारामुळे स्थानक प्रमुखांना घेराव घालत जाब विचारला. या घटनेनंतर संबंधित चालक काही काळ घटनास्थळावरून पसार झाला. या घटनेची माहिती खेड पोलिसांनाही देण्यात आली. पोलिसांनी या चालकाला ताब्यात घेतलं आहे. त्यानंतर या गाडीसाठी दुसऱ्या चालकाची व्यवस्था करून बस रवाना करण्यात आली.