समुद्र सपाटीपासून सुमारे 2 हजार फूट उंचीवर असलेल्या देवाचा डोंगर गावाकडे जाणारा रस्ता धोकादायक बनला आहे. कोकणात मंगळवारी रात्री पासून कोसळत असलेल्या पावसामुळे रत्नागिरी आणि रायगड या दोन जिल्ह्यांच्या सीमेवर असलेल्या देवाचा डोंगर गावाकडे जाणाऱ्या रस्त्यावर उंच डोंगराची दरड कोसळून रस्ता वाहतुकीला बंद झाला आहे. देवाचा डोंगर घाटात दरड कोसळली होती, दरड हटवण्याचे काम कालपर्यंत सुरू होते. मात्र रात्री पुन्हा दरड कोसळल्यानं हा मार्ग वाहतुकीसाठी पूर्णपणे बंद झाला आहे.
advertisement
दरम्यान दुसरीकडे महाराष्ट्रत आज काही ठिकाणी ऑरेंज अलर्ट देण्यात आला असून अतिमुसळधार पावसाचा अंदाज वर्तवण्यात आला आहे. तर, काही जिल्ह्यांमध्ये यलो अलर्ट देण्यात आला आहे. कोकण आणि मध्य महाराष्ट्रातील जिल्ह्यांमध्ये तुरळक ठिकाणी मुसळधार पाऊस पडण्याची शक्यता आहे. तर, मराठवाड्यातील जिल्ह्यांमध्ये पावसासोबतच तुरळक ठिकाणी विजांच्या कडकडाटासह वादळ आणि सोसाट्याचा वारा वाहण्याची शक्यता वर्तवण्यात आली आहे.