पोषक तत्वांनी समृद्ध गायीचे दूध आयुर्वेदात अमृत म्हणून ओळखले जाते. मुलांच्या शरीरातील प्रथिनांची गरज पूर्ण करण्यासाठी दुध आवश्यक पदार्थ असते. दुधाला संपूर्ण आहाराचा दर्जा देण्यात आला आहे आणि जन्मानंतर सुमारे 6 महिने मूल पूर्णपणे आईच्या दुधावर अवलंबून असते. पण जसजसे आपण मोठे होतो तसतसे आपण इतर अनेक प्रकारे दुधाचे सेवन करू लागतो. दुधाचे पदार्थही खातो. अनेक वेळा लोक दुधासोबत खारट पदार्थांचे सेवन करतात. पण दुधासोबत मीठ खाणे शरीरासाठी घातक ठरू शकते.
advertisement
दूध आणि मीठ एकमेकांच्या पूर्णतः विरुद्ध..
आयुर्वेदिक एमडी डॉ. सुनील आर्य सांगतात की, आयुर्वेदात विरुद्ध आहाराची चर्चा आहे. म्हणजेच असे पदार्थ ज्यांचा स्वभाव एकमेकांपेक्षा वेगळा आहे आणि ते एकत्र सेवन करू नये. दूध आणि मीठ हे देखील अन्न विरोधी आहेत. म्हणजे हे दोन्ही एकत्र सेवन करू नये. याशिवाय दूध आणि मीठ एकत्र घेतल्याने लॅक्टोज आणि सोडियमची प्रतिक्रिया होते. या प्रतिक्रियेमुळे शरीरात त्वचेची ऍलर्जी होण्याचा धोका असतो. शरीरावर पांढरे डाग पडण्याची समस्या देखील या प्रतिक्रियेमुळे उद्भवते. याशिवाय जास्त काळ दुधासोबत मीठ खाल्ल्याने केस अकाली पांढरे होऊ शकतात.
नकली ओआरएस प्याल तर मेंदूला येईल सूज! असं ओळखा गुड क्वालिटी ORS
दुधासोबत हे पदार्थही खाऊ नका..
आरोग्य तज्ज्ञांचे म्हणणे आहे की, मीठ आणि दूध एकत्र सेवन केल्यास शरीराच्या अनेक भागांवर नकारात्मक परिणाम होतात. हे दीर्घकाळ केल्याने अनेक समस्या उद्भवू शकतात. आयुर्वेदानुसार दुधासोबत दही, मीठ, चिंच, खरबूज, नारळ, बेल, मुळा, करवंद, तीळ, तेल, सत्तू यांसारख्या गोष्टी खाणे टाळावे.
फळांसोबत दुध घेणे ठरू शकते धोकादायक..
आयुर्वेदिक एमडी डॉ. सुनील आर्य सांगतात की, अनेकदा आपण केळी किंवा इतर फळे दुधात मिसळून शेक बनवतो आणि ते पितो. पण दुधासोबत केळी वगैरेचे सेवन करणेही योग्य नाही. त्यामुळे शरीरातील चयापचय क्रिया मंदावते.
जास्तीत जास्त फायदे मिळवण्यासाठी बदाम किती तास भिजवून खावे?
(इथं दिलेली माहिती तज्ज्ञांशी केलेल्या चर्चेवर आधारित आहे. ही एक सामान्य माहिती आहे. कोणताही व्यक्तीगत सल्ला नाही. आपण कोणत्याही पदार्थाचं सेवन करण्याआधी याबद्दल डॉक्टर किंवा तज्ज्ञांचा सल्ला घ्यावा. संबंधित माहितीसाठी न्यूज18 मराठी जबाबदार नसेल.)