या स्थितीला वैद्यकीय भाषेत ऑर्थोस्टेटिक हायपोटेंशन असं म्हणतात. ही एक प्रकारची लो ब्लड प्रेशरची अवस्था आहे, जी शरीराच्या पोझिशनमध्ये अचानक बदल झाल्यावर घडते. विशेषतः झोपलेली किंवा बसलेली व्यक्ती अचानक उभी राहिल्यावर.
कोणाला जास्त धोका असतो?
वयोवृद्ध व्यक्तींमध्ये ही समस्या अधिक सामान्य असते. उन्हाळ्यात किंवा शरीरातील डिहायड्रेशनमुळेही चक्कर येऊ शकते. काही विशिष्ट औषधं घेत असल्यास, त्याचा दुष्परिणाम म्हणूनही ही स्थिती निर्माण होऊ शकते
advertisement
मुख्य लक्षणं कोणती?
अचानक चक्कर येणं किंवा डोकं फिरणं, नजर धूसर होणं, थकवा किंवा अशक्तपणा, उभं राहताच अशक्त वाटणं इत्यादी.
कधी कधी हे लक्षणं साधारण वाटू शकतात, पण वारंवार असं घडत असेल, तर वैद्यकीय सल्ला घेणं आवश्यक आहे.
यापासून कसं वाचाल?
झोपलेली किंवा बसलेली अवस्था अचानक उठू नका हळूहळू उठण्याचा सराव करा
शरीर हायड्रेट ठेवा, दिवसभर भरपूर पाणी प्या
नियमित व्यायाम करा, यामुळे रक्ताभिसरण सुधारतं
अत्यंत गरम हवामानात सावध राहा, शक्यतो थंड जागेत रहा
डॉक्टरांच्या सल्ल्याने औषधांचं प्रमाण समतोल ठेवा
आपल्या रोजच्या सवयी थोड्या बदलल्यास अशा अडचणींपासून सहज बचाव करता येतो. शरीराचा इशारा समजून घेणं आणि वेळेवर काळजी घेणं हेच आपल्या आरोग्यासाठी खूप महत्त्वाचं आहे.