TRENDING:
बऱ्याचदा, आपण डोळ्यांच्या किरकोळ समस्यांना सामान्य मानतो, पण त्या गंभीर आजाराचं लक्षण असू शकतात. पाहूयात डोळ्यांच्या कर्करोगाविषयी वरिष्ठ नेत्रतज्ज्ञ डॉ. पुनीत जैन यांनी दिलेली माहिती.
मुलांमधे आणि प्रौढांमधे आढळणारे मुख्य फरक -
डोळ्यांचा कर्करोग वयानुसार बदलतो - रेटिनोब्लास्टोमा हा 0 ते 2 वर्षे वयोगटातील मुलांमधे आढळणारा डोळ्यांचा कर्करोग आहे. याचं सर्वात प्रमुख लक्षण म्हणजे फ्लॅश फोटोग्राफी दरम्यान मुलाच्या डोळ्यांत पांढरी चमक दिसणं, ज्याला वैद्यकीय भाषेत 'ल्युकोकोरिया' असं म्हणतात. याव्यतिरिक्त, मुलाच्या डोळ्यात डोळा येणं हे देखील कर्करोगाचं लक्षण असू शकते. मेलेनोमा हा प्रौढांमधे सर्वात सामान्यपणे आढळणारा कर्करोग आहे.
advertisement
Power Nap : दुपारच्या डुलकीला पॉवर नॅप का म्हणतात ? डुलकी का महत्त्वाची ?
डोळ्याच्या कोणत्या भागात कर्करोग होऊ शकतो ? - कर्करोग डोळ्याच्या कोणत्याही संरचनेवर परिणाम करू शकतो. जसं की पापण्या, डोळ्याचा पृष्ठभाग (कॉर्निया, नेत्रश्लेष्मला), आयरीस, रेटिना, ऑप्टिक नर्व्ह किंवा ऑर्बिट (डोळ्यांचं संरक्षण करणारी हाडांची रचना).
काही कर्करोग फक्त डोळ्यांवर परिणाम करतात, तर काही शरीराच्या इतर भागात पसरू शकतात. डोळ्याच्या विशिष्ट भागात असलेल्या समस्यांशी संबंधित लक्षणं पाहूया.
पापण्यांचा ट्युमर - पापण्यांवर अनेकदा गाठी तयार होतात. सहसा, जेव्हा एखाद्याला पापणीवर गाठ दिसते तेव्हा डॉक्टरांकडून उपचार घेतले जातात, पण एक धोक्याची सूचना म्हणजे या गाठी उपचारांना प्रतिसाद देत नाहीत. गाठ औषधांमुळे गेली नाही तर त्याची त्वरित अधिक तपासणी करावी.
डोळ्याच्या पृष्ठभागावरील गाठी - या गाठी डोळ्यांच्या पृष्ठभागावर होतात आणि जन्मजात असू शकतात किंवा नंतर विकसित होऊ शकतात. या गाठी तपकिरी किंवा काळ्या किंवा रंगहीन असू शकतात. पापण्या आणि डोळ्याच्या पृष्ठभागावरील ट्यूमरमुळे अनेकदा दृष्टी अखंड राहते, त्यामुळे रुग्ण त्यांना गंभीर मानू शकत नाहीत आणि उपचारांना विलंब करू शकतात.
डोळ्यातील ट्यूमर - डोळ्याच्या आतील भागात जसं की रेटिना किंवा युव्हिया हा कर्करोग होतो तेव्हा त्याचा थेट दृष्टीवर परिणाम होतो.
Antibiotics : अँटीबायोटिक्सचा कोर्स अर्ध्यावर सोडताय? वाचा तब्येतीला होणारे धोके
लक्षणं
धूसर दृष्टी
डोळ्यांसमोर तरंगणारे ठिपके दिसणं
प्रकाशात चमक जाणवणं
दृष्टीमधे सावल्या दिसणं
कधीकधी दृष्टी अचानक कमी होऊ शकते, जी डोळयातील पडदा जागेवरून हलल्याने, ऑप्टिक नर्व्हवर परिणाम झाल्यामुळे किंवा डोळ्याच्या आत रक्तस्त्राव झाल्यामुळे देखील होऊ शकते.
डोळ्याच्या मागील भागात ट्यूमर - हे ट्यूमर डोळ्याच्या मागील भागात, डोळ्याच्या कक्षेत होतात. यामधे, रुग्णाचा डोळा बाहेरून फुगतो किंवा सुजतो, या स्थितीला प्रोप्टोसिस म्हणतात. सर्वात महत्त्वाचं म्हणजे, डोळ्यांच्या कर्करोगात सुरुवातीला कोणतीही लक्षणं दिसून येत नाहीत. म्हणूनच, नेत्ररोगतज्ज्ञांकडून डोळ्यांची नियमित तपासणी करणं अत्यंत महत्वाचं आहे. लवकर तपासणी केल्यानं या गाठी आणखी वाढण्याआधी चांगले उपचार केले जाऊ शकतात.