बहुउपयोगी कपड्यांची निवड करा : तुम्हाला असे कपडे हवे आहेत, जे मीटिंगपासून ब्रंचपर्यंत सहजपणे वापरले जातील. असे शर्ट निवडा जे मीटिंगसाठी चांगले दिसतील आणि नंतरच्या भेटीगाठींसाठीही आरामदायक असतील. आकर्षक आणि आरामदायक शर्ट यासाठी उत्तम आहेत.
सकाळी-संध्याकाळच्या वेळासाठी योग्य कपडे : दिवसाच्या मध्यात पूर्ण कपडे बदलण्यासाठी कोणाकडेही वेळ नसतो. म्हणूनच 'सकाळ-संध्याकाळची स्टाईल' महत्त्वाची आहे. यासाठी अशी कपडे निवडा जी ऑफिसमध्ये प्रोफेशनल आणि नंतरच्या अनौपचारिक प्रसंगांमध्येही फिट बसतील. उदाहरणार्थ, कुर्ता सेट सकाळी मीटिंगमध्ये आणि संध्याकाळच्या कार्यक्रमातही चांगला दिसेल. किंवा तुम्ही एका ब्लेझरसोबत 'लिव्ह-इन पॅन्ट' घालून ऑफिसनंतरच्या प्लॅनसाठी तयार होऊ शकता.
advertisement
साधे रंग आणि नमुन्यांची निवड : काळे, तपकिरी आणि राखाडी रंग नेहमीच चांगले असले, तरी तुम्ही काही वेगळे रंग आणि नमुने वापरून पाहण्यास घाबरू नका. रंगाचा एक छोटासा स्पर्श आणि कमीत कमी डिझाइन जसे की, पट्टे किंवा हलके फुलांचे नमुने तुमच्या लूकला एक वेगळे व्यक्तिमत्त्व देतील. जर तुम्हाला भारतीय प्रिंट्स आवडत असतील तर कुर्ते ट्राय करा. ते फॉर्मल आणि आरामदायक यांच्यात उत्तम समतोल साधतात.
स्टायलिश आणि आरामदायक यांचा योग्य मेळ : एक व्यावसायिक व्यक्ती म्हणून, तुम्ही अशा कपड्यांमध्ये गुंतवणूक केली पाहिजे, जी आरामदायक असूनही नवीनतम ट्रेंड्सनुसार असतील. तुम्हाला यासाठी खास टीप हवी आहे? सुती आणि लिननसारखे आरामदायक फॅब्रिक्स निवडा. तसेच लायक्रा किंवा इलास्टेनसारखे स्ट्रेचेबल फॅब्रिक्सही घेऊ शकता. असे कपडे निवडा, ज्यात तुम्ही बसताना किंवा उभे असतानाही सहज हालचाल करू शकाल.
को-ऑर्ड सेटचा वापर करा : 'को-ऑर्ड सेट' तुमच्यासाठी एक चांगला उपाय ठरू शकतात. कारण ते परिपूर्ण आणि व्यवस्थित दिसतात. ते अशा क्षणांसाठी आदर्श आहेत, जेव्हा तुम्हाला कमी प्रयत्नात चांगले दिसायचे असते. सकाळी मीटिंगला जाण्यासाठी आणि संध्याकाळी पार्टीला जाण्यासाठी एक चांगला 'को-ऑर्ड सेट' तुम्हाला मदत करेल.