Beed Farmer: वय अवघे 19 वर्ष कमाई मात्र लाखात, बीडमधील शेतकरी नवीन पिढीसाठी ठरतोय आदर्श

बीड: सध्याच्या काळात अनेकांना शेती हा व्यवसाय कमीपणाचा वाटतो. बहुतांशी तरुण वडिलोपार्जित शेतीकडे पाठ फिरवून नोकरी करण्यावर भर देत आहेत. मात्र, बीड जिल्ह्यातील टालेवाडी या छोट्या गावात राहणारा हनुमान वानखेडे हा 19 वर्षांचा तरुण अनेक शेतकऱ्यांसाठी आदर्श ठरत आहे. शेतीची आवड असलेला हनुमान शैक्षणिक वाटचालीसोबतच स्वतःच्या शेतीत नवनवीन प्रयोग करत आहे. समवयस्क तरुण खेळ, मोबाईल आणि इतर मौजमजेवर भर देत असताना हनुमान शेतीमध्ये रमत आहे. त्याने आतापासून शेती तंत्रज्ञान, नवीन पद्धती आणि आर्थिक व्यवस्थापन यांचा अभ्यास सुरू केला आहे.