Donald Trump Iran School Attack: ट्रम्प यांना त्यांच्या सैन्यानं खोटं पाडलं! इराणच्या १७५ चिमुरड्यांना कोणी संपवलं? समोर आली धक्कादायक माहिती

तेहरान/वॉशिंग्टन: इस्रायल-अमेरिकेने इराणविरोधात युद्ध पुकारून आता १२ दिवस उलटून गेले आहेत. अमेरिका-इस्रायलच्या हल्ल्यांना इराणकडून जोरदार प्रतिकार सुरू आहे. या सगळ्या घडामोडीत मोठी माहिती समोर आली आहे. २८ फेब्रुवारी रोजी इराणमध्ये झालेल्या भीषण हवाई हल्ल्याबाबत आता एक अत्यंत धक्कादायक माहिती समोर आली आहे. युद्धाच्या पहिल्याच दिवशी इराणवरील हल्ल्यात १७५ लहान शालेय मुलींचा मृत्यू झाला होता. हा हल्ला अमेरिका-इस्रायलने केला होता. तर, या दोन्ही देशांनी इराणकडे बोट दाखवलं होतं. या हल्ल्याची अमेरिकन लष्कराकडून चौकशी सुरू होती.