जाणून घेऊयात हिवाळ्यात बाईकची योग्य काळजी कशी घ्यावी ते. (Bike maintenance in winter)
हिवाळ्यात अनेकदा सकाळी कामावर जाताना बाईक किंवा स्कूटर स्टार्ट करण्याचा प्रयत्न करतो तेव्हा ती स्टार्ट होत नाही. अनेकदा स्टार्टर किंवा किकस्टार्ट बटन दाबूनही गाडी सुरू होत नाही. शेवटी बॅटरी डाऊन होते. मग किक मारण्याची वेळ येते. किक मारून मारून थंडीतही आपल्याला घाम फुटतो पण आपली टू-व्हिलर काही सुरू होत नाही. तुमच्यासोबत पण असं झालं असेलतर खाली दिलेल्या टिप्स् वापरून आधी तुमच्या बाईकची सर्व्हिसिंग करून घ्या, जेणेकरून तुम्हाला नंतर त्रास होणार नाही.
advertisement
इंजिन ऑइल तपासा
जसं माणसाच्या शरीरात हृदय आणि रक्त असतं तसंच इंजिनला बाईकचं हृदय आणि इंजिन ऑईलला रक्त असं संबोधलं जातं. आता विचार करा जर तुमच्या शरीरात रक्ताची कमी असेल तर तुम्हाला थकवा, अशक्तपणा आणि काही आजार होण्याची भीती असते तशीच भीती इंजिन ऑईलच्या बाबतीत असते. जेव्हा हिवाळ्यात तापमान कमी होते, तेव्हा इंजिन ऑइल घट्ट होते, ज्यामुळे त्यामुळे ते पूर्णपणे इंजिनमध्ये जाऊ शकत नाही. अशा स्थितीत सतत गाडी चालू करण्याचा प्रयत्न केल्यास तुमच्या इंजिन पिस्टनला धोका पोहचू इंजिन कायमचं बंद पडू शकतं. त्यामुळे थंडीत उत्तम दर्जाचं सिंथेटिक ऑईल वापरा. तुमच्या बाईकला इलेट्रिक स्टार्टर जरी असेल तरीही किक मारून बाईक चालू करा. बाईक चालू झाल्यानंतर थोडावेळ बाईक तशीच सुरू ठेवा मग गिअर टाकन चालवायला सुरूवात करा.
बॅटरी
थंडीत बॅटरीची कार्यक्षमता कमी होते.त्याशिवाय वारंवार सेल्फस्टार्टचा उपयोग केल्यामुळे बॅटरी डाऊन होऊ शकते. त्यामुळे बाईकच्या सर्व्हिसिंग सोबतच बॅटरीचीही सर्व्हिसिंग करून घ्या. गरज असेल तर बॅटरीत योग्य प्रमाणात पाणी भरून बॅटरी फुल्ल चार्ज करून घ्या. गंज लागू नये म्हणून बॅटरीच्या टर्मिनलवर ग्रीस लावा.
हे सुद्धा वाचा : सकाळी बाईक स्टार्ट करताना 99% लोक करतात ही चूक! गाडीचं होतं मोठं नुकसान
पेट्रोल टँक
तुम्ही जास्त गाडी चालवत जरी नसाल आणि बाहेर जाताना तुम्हाला 100 किंवा 200 रूपयांचं पेट्रोल टाकायची सवय असेल आणि बाकीच्या वेळी तुमचा पेट्रोल टँक रिकामा रहात असेल तर तुम्हाला ही सवय बदलावी लागेल. रिकाम्या पेट्रोलटँकला गंज लागण्याची भीती असते.याशिवाय थंडीत इंजिन गरम ठेवण्यासाठी कदाचित जास्त पेट्रोलची गरज लागू शकते. त्यामुळे पेट्रोल टँक हा नेहमी भरलेला असू द्या.
कार्बोरेटर आणि चेन
पेट्रोल आणि बॅटरीसोबत फ्युएल इंजेक्शन सिस्टमची आणि कार्बोरटर सुयोग्य स्थितीत असणं गरजेचं आहे. कार्बेरेटरमध्ये जर कचरा किंवा घाण अडकली असेल तर बाईक स्टार्ट होण्यात अडचणी येऊ शकतात. हिवाळ्यात तुम्हाला चेनची पुरेशी काळजी घेणं गरजेचं आहे. कारण थंडीमुळे ऑईल गोठून चेन तुटण्याची भीती असते. त्यामुळे थंडी दर 8 किंवा 15 दिवसांनी तुमच्या मेकॅनिककडून चेनला ग्रीस लावून किंवा ऑईलिंग करून सुस्थितीत ठेवा.
हे सुद्धा वाचा : चालवल्यानंतर लगेच का धुवू नये बाईक? 90 टक्के लोक करतात ही चूक