जाणून घेऊयात हिवाळ्यासाठी फायदेशीर योगासने आणि त्यांचे फायदे काय आहेत
हस्त उत्तानासन (Raised Arms Pose)
हे आसन केल्याने शरीर उबदार राहायला मदत तर होतेच मात्र यासोबत मणक्यासाठी हे आसन फार फायद्याचं आहे. यामुळे मणक्याला लवचिकता येते. प्रणामासनाच्या मुद्रेत उभं राहून हात डोक्याच्या वर न्या. डोकं, मान आणि पाठीचा वरचा भाग शक्य होईल तितका मागे न्या. थोडा वेळ त्याच स्थितीत हा मग पुन्हा मुळ स्थितीत परत या. असं 5 ते 6 वेळा करा.
advertisement
हे सुद्धा वाचा : तुम्हाला जास्त थंडी वाजतेय; कारणीभूत आहेत ‘हे’ आजार, दुर्लक्ष करणं पडेल महागात
पदहस्तासन (Standing Forward Bend Pose)
या आसनामुळे पूर्ण शरीर सक्रिय होऊन रक्ताभिसरण क्रिया सुधारतं. हे आसान करण्यासाठी हस्त उत्तानासनाच्या स्थितीत या. शरीर मागे नेण्याऐवजी पुढच्या बाजूला वाकवा. नाक गुडघ्याजवळ आणण्याचा प्रयत्न करा. हात पायाजवळ जमिनीवर ठेवा. हे आसन थोडं कठीण आहे. हे आसन करताना सुरुवातीला तुम्ही तुमचे गुडघे वाकवू शकता. हळूहळू तुमचे गुडघे सरळ ठेवण्याचा प्रयत्न करा.
उष्ट्रासन (Camel Pose)
या आसनामुळे छाती मोकळी व्हायला मदत होते. या आसानात पूर्ण शरीराची हालचाल होत असल्याने हे आसन केल्याने शरीर उबदार राहायाला मदत होते. हे आसन करताना गुडघ्यांवर बसा. मागच्या बाजूला झुकून हात आपल्या नितंबांवर ठेवा. मग आणखी मागे झुकून हात पायांवर ठेवा. या स्थितीत काही श्वास घ्या आणि नंतर हळूहळू पूर्वस्थितीत या.
हलासन (Plough Pose)
या आसनामुळे फक्त शरीराला उर्जाच मिळत नाही तर मनही शांत व्हायला मदत होते. हे आसन करताना पाठीवर झोपा आणि पाय 90 अंशांपर्यंत वर उचलून हळूहळू डोक्याच्या मागे नेण्याचा प्रयत्न करा. पायाच्या बोटांनी जमिनीला स्पर्श करा. थोडावेळ या स्थितीत रहा. नंतर हळूहळू पूर्वस्थितीत परत या.
भुजंगासन (Cobra Pose)
हे आसन शरीराला उबदार ठेवते आणि पाठ मजबूत करते. सर्वप्रथम, पोटावर झोपा आणि तळवे खांद्याच्या खाली आणि आणि हळू हळू तुमचं शरीर वर उचलण्याचा प्रयत्न करा.