जाणून घेऊयात भारतात मोमोज आरोग्यासाठी हानिकारक का ठरतात ?
advertisement
हानिकारक रसायनं:
एका अहवालानुसार, मोमोजमध्ये वापरला जाणारा मैदा हा रिफाइंड पिठापासून बनवला जातो. ज्यात बेंझॉयल पेरोक्साइड, ॲझोडीकार्बोनमाइड आणि इतर ब्लीच आढळून येतात. या रसायनांचा थेट परिणाम स्वादुपिंडावर होऊन इन्सुलिनची अनियमितता येऊ शकते ज्यामुळे डायबिटीसचा धोका उद्धभवतो.
निकृष्ट दर्जा :
- मांसाहारी : मांसाहारी मोमोज बनवण्यासाठी निकृष्ट दर्जाचं मांस वापरलं जातं. काही अहवालांमध्ये असा दावा करण्यात आला आहे की चिकन मोमोज बनवण्यासाठी मेलेल्या कोंबड्य़ाचं मांस वापरले जातं. जीवंत कोंबडीपेक्षा मेलेली कोंबडी ही स्वस्त मिळत असल्याने अनेकदा या कोंबड्यांच्या मांसाचा वापर चिकन मोमोजमध्ये केला जातो.
- खराब भाज्या: कमी शिजलेल्या आणि खराब झालेल्या भाज्या व्हेज मोमोजमध्ये वापरल्या जातात. ज्या आरोग्यासाठी हानिकारक आहेत. एक तर भाज्या आधीच खराब असतात. त्यात त्या नीट धुतल्या आणि शिजवल्या नसल्याने अपचन, अन्नातून विषबाधा होण्याचा धोका वाढतो.
मूळव्याध होण्याचा धोका:
मोमोज वाफेवर गरम करून शिजवले जातात. पीठ असल्याने ते अल्ट्रा प्रोसेस्ड बनते. अल्ट्रा प्रोसेस्ड फूडमध्ये एकतर फायबर नसतं किंवा ते खूप कमी असतं. यामुळेच मोमोज खाल्ल्यानंतर ते पचायला कठीण जातात. सतत मोमोज खाल्ल्याने बद्धकोष्ठतेचा त्रास होतो.
हानिकारक चटणी :
मोमोसोबत दिली जाणारी शेझवान चटणी लाल मिरचीचा वापर करून बनविली जाते. या शेझवाज चटणीमध्ये अनेक घातक रसायनं असून शकतात. तसंच मिरचीवर प्रक्रिया केली गेल्यामुळे आरोग्याशी संबंधित अनेक समस्या उद्भवू शकतात. त्यामुळे आपल्या मूत्रपिंडात रक्तस्त्राव वाढतो. चटणीसोबत दिल्या जाणाऱ्या मेयोनिजमध्ये फॅटस् भरपूर प्रमाणात असतात. त्यामुळे वजन वाढण्याची भीती असते.
हे सुद्धा वाचा : मेयोनीज मोमोज, फ्रँकी, सँडवीच खाताय सावधान! सरकारने घातली बंदी, पण कारण काय?
मोमोज बनवतानाचा दर्जा :
गल्लोगल्ली, रस्तोरस्ती मोमोज विकले जातात. तिथे स्वच्छतेचा अभाव दिसून येतो. याशिवाय उकडलेले मोमोज तयार करताना पाणी कोणत्या दर्जाचं आहे याची आपल्याला कल्पना नसते. तसंच मोमोज तळण्यासाठी वापरल्या जाण्याचा तेलाचा दर्जाही खराब असतो. यामुळे आरोग्याला धोका निर्माण होऊ हृदयरोग, डायबिटीस, किडनी आणि यकृताच्या आजारांचा धोका वाढतो.